غزنی ده کم قانلیکدن اذیت چیکه‌دیگن قیزلردن قطاری‌نینگ ایتیشلریچه، کم قانلیک طفیلی، اولر جدی قیین‌چیلیکلر بیلن روپه‌ره بولگنلر. اولر‌نینگ کوپه‌یتیریشلریچه، کم قانلیک دارو‌سینی دایمی شکلده تامین‌لش، اولر اوچون قیین دیر.
غزنی یشاوچیسی بولمیش ۲۰ یاشر یاسمین‌نینگ ایتیشیچه، نیچه ییل‌دن بویان کم قانلیکدن اذیت چیکیب و کم قانلیک نشانه‌لری تیریسی یوزی‌ده هم کوریله‌دی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «نیچه ییل‌دن بیری کم قانلیکدن اذیت چیکه‌من. دایم بی‌حوصله‌من. باشیم آغریدی. کم قان بولگنیم‌ده اوزیم بیله‌من، تیریم قوریدی و کوپ سووس قاله‌من. اونچه‌لیک معلوماتیم هم یوق که نیمه ییسم. حاضر هم رنگیم سریق و هیچ حوصله‌م یوق.»
غزنی یشاوچیلری و کم قانلیککه چلینگن زهرا و گیتی‌نینگ ایتیشلریچه، دولتی ساغلیق مرکزلر‌ده کم قانلیک دارو‌لریدن فایده‌لنیش امکانیتی قیین دیر.
زهرا‌نینگ کوپه‌یتیریشیچه، هر نیچه آی کم قانلیک قیین‌چیلیگی‌گه روپه‌ره بوله‌دی. «ایکی-اوچ آی‌دن کییم قانیم کمه‌یه‌دی. دارو آلگنیم‌ده یخشی‌راق بوله‌من. کلینیک‌ده دارو هم قالمه‌گن شفاکار یانیگه کیلدیم که مینگه بیران دارو بیرسه. کم قانلیککه روپه‌ره بولگنیم‌ده باشیم آغریدی و قوللریم بیخی حرکت قیلمه‌یدی.»
کم قانلیکدن اذیت چیکه‌دیگن گیتی، دولت‌دن کم قانلیک تابلیت‌لری‌نینگ رایگان شکلده اهالی‌گه ترقه‌تیلیشی‌نی ایسته‌ب و ایتیشیچه: «کم قانلیک دارو‌لر‌نینگ رایگان شکلده اهالی‌گه ترقه‌تیلیشی کیره‌ک. کسل‌خانه گه بارگنیمیزده یوز رقم جنجل بیلن نیچه‌ته تابلیت بیره‌دیلر که ایکی کون‌ده یکونلنه‌دی. کسلخانه‌لر و کلینیک‌لرده دارو‌لر‌نینگ کوپراق بولیشی کیره‌ک.»
عین حالده، غزنی ده شفاکارلردن محمداشرف صاحب‌زاده‌نینگ ایتیشیچه، قیزلر آره‌سیده کم قان‌لیک‌نینگ تورلی سببلری بار و عامللری‌دن ناتوغری آوقت‌لنیش و اولر آره‌سیده حیض کوریش‌‌گه اشاره قیلیش ممکن.
بیزلرنینگ فیسبوک صحیفه‌میزگه باش اورینگ!
جناب صاحب‌زاده‌نینگ کوپه‌یتیریشیچه: «قیزلر آره‌سیده هر آی حیض کوریش کم قان‌لیک‌نی اورته کیلتیره آله‌دی و شونینگدیک ناتوغری آوقت‌لنیش هم جمعیت‌ده بار. شو رقم اهالی‌نینگ توجه‌سیزلیگی، کسل بولگن کیشی وضعیتی جدی بولمه‌گنی گه قدر شفاکار گه بارمه‌یدی و لابراتواری معاینه‌لرینی قیلمه‌یدی. اوشبو کم قانلیک قیین‌چیلیگی، دارو آلیش یا-ده تابلیت و شونینگدیک مناسب آوقت‌لنیش بیلن حل بوله‌دی.»
ایتیش کیره‌ک که، کم قانلیک اوچینچی دنیا مملکت‌لریده کوپ بولگن کسل‌لیکلردن دیر؛ بیراق قیزلر ژنتیکی و هورمونی سببلرگه کوپراق بو کسل‌لیککه روپه‌ره بوله‌دیلر که اونینگ بیلن قرشی کوره‌ش اوچون ساغلیق‌نی سقلش وزیرلیگی‌نینگ حمایتی و آگاه‌لیک بیریش برنامه‌لری‌گه نیاز بار.
