غزنی ده عیاللردن قطاری‌نینگ ایتیشلریچه، «قاره سریغلمه» کسل‌لیگی نشانه‌لری، اولرنی اوشبو کسل‌لیک‌نی انیق‌لش اوچون شفاکار گه باریش‌گه مجبور قیلگن.
قاره سریغلمه کسل‌لیگی گه چلینگن غزنی ولایتی یشاوچیلریدن بیری فهیمه‌نینگ ایتیشیچه: «ایکی آی آلدین شفاکار گه مراجعت قیلدیم و قاره سریغلمه کسل‌‌لیگیم بارلیگی‌نی ایتدی. دارو آلدیم و بیراز یخشی بولگن ایدیم. نیچه کون‌دن بیری ینه بیراز کسل بولگن‌مین، اشتها‌م یوق. ینه اوتگن آغریقلر باشلنگن و هیچ نرسه ییه‌سیم کیلمه‌یدی. کم قوت بولگن‌مین.»
بیزلرنینگ «ایکس» ترماغی ده هم تعقیب قیلینگ!
کسل‌لیگی‌نی انیق‌لش اوچون شفاکار گه مراجعت قیلگن اوشبو ولایت یشاوچیلریدن باشقه بیری ذاکره‌نینگ ایتیشیچه: «قاره سریغلمه کسل‌لیگی گه چلینگن‌مین. بیر کیشی یانیگه باردیم، پیاز‌نی دَم قیلیب بیردی؛ بیراق ساغه‌یمه‌دیم. کابل گه باره آلمه‌دیم. بوگون بو شفاکار گه کیلدیم که کسل‌‌لیگیم انیق‌لنسه. سریغلمه‌‌گه چلینگنیم نی مین اوزیم بیله‌من، چونکه کوزلریم سریق بولگن و ایاقلریم آغریدی و شو رقم هیچ نرسه ییه‌سیم کیلمه‌یدی.»
شونده‌ی بیرحالده، سریغلمه کسل‌لیگی دوالنیشی مقصد تورموش اورتاغی‌نی شفاکار گه آلیب بارگن غزنی یشاوچیلریدن نصرالله، اوشبو ولایت‌ده دوالنیش امکانیت‌لری و ستندرد انیق‌لش مرکزی یوقلیگی‌دن شکایت قیله‌دی.
اونینگ کوپه‌یتیریشیچه: «غزنی ده دوالنیش خصوصیده امکانیت یوق ایدی. کسل‌لیمیز نی کابل گه آلیب باردیک. الحمد‌الله کابل ده آلگنیمیز دارو‌لر فایده قیلدی. غزنی ده قاره سریغلمه کسل‌لیگی دوالنیشی زمینه‌سی یره‌تیلیشینی ایسته‌یمیز. غزنی ده قاره سریغلمه کسل‌لیگی‌گه چلینگنلر سانی کوپه‌یگن. شونینگدیک عیاللر بو کسل‌لیککه کوپراق چلینگنلر.»
بوندن آلدین غزنی ولایتی‌ده قاره سریغلمه کسل‌لیگی‌نی انیق‌لش اوچون بیر مرکز بولمه‌گنی بیرحالده؛ سونگی آی‌لر ایچیده غزنی مرکزی‌ده سریغلمه و قاره سریغلمه کسل‌لیک‌لرینی انیق‌لش بیر مرکز آچیلیب و یشاوچیلر نیازلرینی بو بولیم‌ده حل قیله آله‌دی.
سریغلمه و قاره سریغلمه کسل‌لیک‌لرینی انیق‌لش مرکزی مسئولی حنیف حق‌مل‌نینگ ایتیشیچه: «بو مرکز‌ده کسللیکلرنی انیق‌لش اوچون زمانه‌وی تکنولوژی‌دن فایده‌لنه‌میز که نه فقط غزنی؛ بلکیم دنیا بویلب بو جهازلردن قوللنیله‌دی و کسللیکلرنی انیق‌لش ساحه‌سیده بو جهازلردن یوقاری جهاز یوق.»
شونده‌ی بیرحالده، غزنی ساغلیق‌نی سقلش ریاستی باشلیغی زرک رنزورمل، اوشبو ولایت‌ده عیاللر آره‌سیده قاره سریغلمه کسل‌لیگی کوپه‌یگنی نی تصدیق‌لب ایتیشیچه، بو کسل‌لیک‌نینگ کوپه‌یگنی سببی ساغلیق ساحه‌سیده ییترلی آگاهی‌لیک‌لر یوقلیگی، کمبغل‌لیک و پاکستان مملکتی بیلن قوشمه چیگره گه ایگه بولیش دیر.
بیزلرنینگ فیسبوک صحیفه‌میزگه باش اورینگ!
جناب رنزورمل‌نینگ کوپه‌یتیریشیچه: «غزنی ده بو کسللیک باشقه ولایت‌لر گه قره‌گنده کوپه‌یگن؛ چونکه غزنی پاکستان بیلن قوشمه چیگره‌گه ایگه دیر و بعضا بو کسللیک چیگره‌دن ترقه‌له‌دی. شو رقم بو کسللیک کمبغل کیشی‌لر و آگاهی‌لیگی آز بولگن یشاوچیلر آره‌سیده بو کسللیک کوپ دیر. غزنی ده آگاهی‌لیک و تعلیم آز دیر و نفوس کوپ، انه شوو سبب بو کسللیک کوپه‌یگن.»
غزنی ولایتی‌ده‌گی کسل‌لردن قطاری کسل‌لیکلری‌نینگ دقیق بیر شکلده انیق‌لنیشی مقصد مملکت مرکزی گه باریش‌گه مجبور بولگنلرینی بیان قیلگنلری بیرحالده؛ بو ولایت‌ده یشاوچیلر نیازلری حلی و بو کبی کسل‌لیک‌لر انیق‌لنیشی اوچون بیر کسل‌خانه آچیلگن که شفاکارلر دستلبکی امکانیت‌لر بیلن کسل‌‌نینگ نشانه‌لری گه قره‌ب، سریغلمه و قاره سریغلمه کسل‌لیگی‌نی انیق‌لب و کسل‌لر گه دارو بیره‌دیلر.