غزنی شهری بویلب یورگن چاغ؛ بو شهر نینگ هر بیر کوچه‌سیده ایشچی بالهلر بیلن اوچره‌شیش ممکن، بو بالهلر ایسه نان تاپیش اوچون شهر نینگ هر بیر بورچه‌گیده قول ساتووچیلیک یا-ده اسپند قیلیش کبی ایش‌لرگه باش اوریب یورماقده‌لر. غزنی شهری نینگ «پلان سوم» منطقه‌سیده، موتر مه موتر یوریب اسپند قیله‌دیگن ۱۱ یاشر زاهد نینگ ایتیشیچه، سکیز کیشی‌لیک عایله سرپرستی دیر.
اونینگ کوپه‌یتیریشیچه: «مین ایشله‌یمن و کون ایچیده ۱۰۰-۱۵۰ افغانی ایشله‌یمن، سبق اوقیش‌نی خواهله‌یمن، بیراق مین ایش قیلمه‌گن تقدیرده عایله‌م آچ قاله‌دی.» زاهد نینگ کوپه‌یتیریشیچه، حکومت عایله‌سی گه یاردم بیرگنی صورت‌ده، مکتب باریب و کیله‌جگی نی توزه‌تیش ایسته‌یدی. «حاضرچه بیز یاردم‌لردن خبریمیز یوق، دولت بیز بیلن هیچ قندی یاردم بیرمه‌گن، دولت بیزگه یاردم بیریشی کیره‌ک تا بیز مکتب اوقیب، کیله‌جگ‌میزنی توزه‌تسه‌ک.»
غزنی شهری نینگ اوشبو منطقه‌سیده‌گی اسپند قیله‌دیگن ایشچی باله‌لردن باشقه بیری اسماعیل‌خان نینگ ایتیشیچه، دکان مه دکان و موتر‌لر یانیگه باریب اسپند قیلیش بیلن اهالی‌دن ۵-۱۰ افغانی آله‌دی و اوشبو پول بیلن کیچه‌لر اویی‌گه نیچه نان آلیب کیته‌دی. «مینی آته‌م ایشلشمه‌یدی، یلغوز اوزیم ایشله‌یمن، عایله‌میزنی خرجتی جده کوپ شو اوچون مین ایشله‌یمن، بوگون ۵۰ افغانی ایشله‌دیم، باشقه کون‌لر ۱۰۰ افغانی درآمد قولگه کیلتیره‌ر ایدیم.»
بیزلرنینگ فیسبوک صحیفه‌میزگه باش اورینگ!
شهر نینگ بیر چیککه‌سیده، ایشچی باله‌لردن باشقه بیری ۱۳ یاشر سلیم‌شاه بیلن روپه‌ره بولیب و اوندن کونده‌لیک درآمدی و دولت و یاردم بیرووچی نهادلر یاردمی خصوصیده سوراق سوره‌دیم. اونینگ بو توغریده ایتیشیچه: «بوگون یوز افغانی تاپدیم، آته‌م ارابه‌کش‌لیک قیله‌دی، بیر مراتبه تورت مینگ یاردم آلدیک، ینه بیر مراتبه بیر بوجی اون بیلن بیر قوطی یاغ آلدیک.»
مملکت‌ده قشاقلیک و ایش‌سیزلیک کوپه‌یگنی، ایشچی بالهلر سانی نینگ کوپه‌یشی گه سبب بولیب و بو موضوع غزنی یشاوچیلری شکایتی و جماعه شناس‌لر نینگ خواطرلری گه سبب بولگن. اولر نینگ ایتیشلریچه، باله‌لردن قطاری، عایله اقتصادی مناسب بولگنی بیلن، بیراق اولر سرک‌لرده ایشلش نی اوزلری گه بیر کسب صفتیده تنله‌گنلر.
غزنی‌ده‌گی دکان‌دارلردن محمد‌سالم نینگ ایتیشیچه: «بیرقطارلری قشاق، بیراق بیرقطارلری ایسه بو اولرنی ایشی بولیب قالگن، بیز دکان‌دارلر اولرنی قولیدن جوده‌یم قیینچیلیککه‌میز، موتر کیلیب تورگن پیت بولرهم کیلیب توخته‌یدیلر و پول آله‌دیلر، بیز بولرنینگ ییغیلیشی نی ایسته‌یمیز.»
شونینگدیک جماعه شناس‌لردن بیری محمدجلیل کریمی نینگ ایتیشیچه: «باله‌لرنی کیله‌جگی یامان بولیشی ممکن، چونکه بولر اوقیش‌لردن اوزاق قاله‌دیلر همده بولر اوسکن‌دن کیین شوندی ایشچی بالهلر دنیاگه آلیب کیلیش‌لری ممکن.»
شونده‌ی بیرحالده، غزنی ایش و اجتماعی ایشلر ریاستی سرپرستی علی‌محمد محمود نینگ سلام‌وطندار گه ایتیشیچه، مذکور ولایت‌ده قریب ۱۰ مینگ سرپرست‌سیز باله حیات کیچیریب و اولردن قطاری، شاقه ایشلر نی انجام بیریش بیلن شغللنگنلر.
اونینگ کوپه‌یتیریشیچه: «سرپرست‌سیز بالهلر رقمی ۹-۱۰ مینگ باله‌گه ییتیشه‌دی، یاردم ایتووچی نهادلر یاردمی بیلن بو بالهلر جمله‌سیدن قریب ۲۵۷۰ باله‌گه قیش‌لیک کییم ترقه‌تیلدی و اولردن ۱۲۰ باله‌گه کیچیک سوداگرلیک نامی آستیده دکان آلیب بیریلدی و همده ایریم ۱۶ و ۱۷ یاش‌گه بولگن بالهلر باشقه ایش‌لرگه تانیشتیریلدی‌لر.»
بیزلرنینگ «ایکس» ترماغی ده هم تعقیب قیلینگ!
غزنی ایش و اجتماعی ایشلر ریاستی سرپرستی نینگ ایتیشیچه، اسلام امیرلیگی رهبری نینگ بویروغی اساسیده، مادی حمایت‌لر اوچون مملکت‌ده سرپرست‌سیز بالهلر نینگ سروی پروسه‌سی باشلنیب و شونینگدیک غزنی ولایتی‌ده هم نیچه مدت‌دن بویان اوشبو پروسه باشلنگن.
اونینگ اورغولشیچه: «اوقیش‌دن محروم قالگن ایشچی باله‌لرگه یاردم بیریش اوچون رهبریت تامانیدن بیر ریجه تصدیق‌لنگن، بو ریجه‌نی عملگه آشیریش مقصد بیر کمیسیون وزیرلیک‌لر تامانیدن ایجاد ایتیلگن و یقین کونلرده غزنی ده بو ریجه عملگه آشیریله‌دی، ایش و اجتماعی ایشلر ریاستی بو خصوصده تیکشیروو ایش‌لرنی تومن‌لر بویلب باشله‌گن.»
قشاقلیک، اقتصادی قیین‌چیلیک‌لر و سرپرست‌سیز بالهلر نینگ مدیریتی اوچون بیللی بیر ییچیم یول یوقلیگی، کون اوتیشی بیلن مملکت جمله‌دن غزنی‌ده ایشچی بالهلر سانی نینگ کوپه‌یشی گه سبب بولگن.
