الجزیره ییتکرمهسی، بوگون (۳۰ دلو/۱۹ فبروری، پنجشنبه) غزهده اسرائیل و حماس اورتهسیدهگی اوروشده قربان بولگنلر سانی ۷۵ مینگ نفردن آشگنینی معلوم قیلدی.
«خلقارا ساغلیق لنست» ژورنالیده نشر ایتیلگن تدقیقات گه کوره، میلادی ۲۰۲۳ ییل، ۷ اکتوبر دن ۲۰۲۵ ییل ۵ نوبرگچه، غزهده تخمیناً ۷۵ مینگ ۲۰۰ نفر قربان بولگن، بو رقم خودی شو دورده فلسطین ساغلیقنی سقلش وزیرلیگی تامانیدن قید ایتیلگن معلوماتدن قریب ۳۵ فایز یوقاری دیر.
فلسطین ساغلیقنی سقلش وزیرلیگینینگ معلوماتیگه کوره، جاری ییل ۲۷ جنوری کونیگچه اوروش باشلنگنیدن بیری ۷۱ مینگ ۶۶۲ کیشی هلاک بولگن.
اسرائیل هردایم فلسطین ساغلیقنی سقلش وزیرلیگی تامانیدن ترقهلگن رقمنی رد ایتگن بولسه-ده، بیراق اسرائیل بیر عملداری جنوری آییده، اوروش جریانیده تخمیناً ۷۰ مینگ نفر فلسطینلیک اولگنینی ایتگن ایدی.
معلوماتلر گه کوره، قربانلرنینگ ۵۶ فایزدن آرتیغینی عیاللر، بالهلر و کیکسهلر تشکیل بیرهدی.
