میدانوردکده باغدارلردن قطارینینگ ایتیشلریچه، محصوللر ییغیب آلینگنیدن سونگ، باغلر مخصوص شکلده سقلهنیشگه نیازی بار. اولر، ییرلر و درختلرینینگ یخشیراق سقلهنیشی اوچون ایکینچیلیک، سووغاریش و چاروهچیلیک وزیرلیگیدن دهقانلرگه تعلیمی و آگاهیلیک بیریلیش دستورلری اوتکزیلیشینی ایستهگنلر.
میدانوردک ایکینچیلیک، سووغاریش و چاروهچیلیک ریاستیده مسئوللر، بو ولایتده دهقانلر و چاورهچیلرگه آگاهیلیک بیریلیش دستورلری بارلیگینی ایتگنلر. میدانوردک مرکزی و تومنلریدن قطاریده باغدارلرنینگ ایتیشلریچه، میوهلرنی ییغیب آلیشدن کیین ییر و درختلر وضعیتیگه توجه قیلیش، کیلهسی ییلده یخشیراق حاصل قولگه کیلتیریش اوچون مهم دیر.
میدانوردک ولایتی نرخ تومنی یشاوچیلریدن بیری سیدآغانینگ سلاموطندار گه ایتیشیچه، هر ییلی باغلریدن محصوللر ییغیب آلینیشیدن کیین، ایشلش و ییرلرنینگ قیته سقلهنیشی حس بولهدی.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «باغلریمیزدن محصولنینگ ییغیلیشیدن کیین، اضافی شاخچهلرنی کیسهمیز که کیلهسی ییل یخشیراق محصول بیرسین و شونینگدیک ییرنی ملایم قیلیب و اونگه کود بیرهمیز.»
سیدآغانینگ ایتیشیچه، باغدارلر ییغیم-تیریمدن کیین، باغلرینی سقلش توغریسیده ییترلی تعلیملرنی کوریب و اولرگه نیاز بولگن اوسکونهلرنینگ بیریلیشی کیرهک. اونینگ ایشانچیگه کوره، بو باسقیچ درست عملگه آشیریلمسه، کیلهسی موسومده درختلر یخشی حاصل بیرمهیدی.
شونینگدیک سیدآباد تومنیده باغدارلردن باشقه بیری سطانجاننینگ ایتیشیچه، بو منطقهده اوتگن ییللرگه قرهگنده باغدارلیک رواجلنگن و عایلهلردن کوپ قطاری بو یول آرقهلی حیات کیچیرهدیلر.
اونینگ کوپهیتیریشیچه: «درختلردن میوهلر ییغیلگنیدن کیین، باشده اضافی شاخچهلرنی کیسهمیز، تراکتور یا-ده بیلن بیلن درختلر ریشهسینی ملایم قیلهمیز که قیشده قار سووینی یخشیراق تارتسین و کیین اونگه حیوانی کود بیرهمیز.»
باغدارلیک مسئلهلری بیلرمانی محمدرفیع ابراهیمینینگ سلاموطندار گه ایتیشیچه، گرچند اوتمیشگه قرهگنده اهالی آگاهیلیگی کوپهیگن؛ بیراق حاضرگچه باغدارلردن قطاری باغلرنینگ درست شکلده سقلهنیشینی بیلمهیدیلر.
اونینگ کوپهیتیریشیچه: «محصول ییغیلیشیدن کیین، باغلرده ایکی تور عملیات اوتکزیلهدی؛ بیرینچیسی درخت و ایکینچیسی ییر دیر. بیرینچی باسقیچده، درختلرنینگ اضافی شاخچهلری کیسیلهدی، کسل شاخچهلر اَیریلهدی، دارو سیپیلهدی و شونینگدیک ایکینچی باسقیچده، کود بیریلهدی، توپراق ملایم بولهدی و کیین سووغاریلهدی.»
ابراهیمینینگ اورغولشیچه، بو ایکی باسقیچنینگ رعایت بولیشی درختلر ساغلیگی سقلهنیشی و کیلهسی ییلده حاصل کوپهیشی اوچون کوپ مهم دیر. اونگه کوره، باغدارلر بو جریان گه اعتیار قرهتمهگنلری صورتده، درختلر ضعیف بولیب و حاصللری کمهیهدی.
بیزلرنینگ «ایکس» ترماغی ده هم تعقیب قیلینگ!
میدانوردک ایکینچیلیک، سووغاریش و چاروهچیلیک ریاستی باغدارلیک آمری عیدمحمد ظاهرینینگ ایتیشیچه، اوتمیش گه قرهگنده باغدارلرنینگ آگاهیلیک سطحی آشگن. اونینگ اورغولشیچه، ایکینچیلیک ریاستی، باغدارلیکنینگ تورلی بولیملریده دهقانلرگه تعلیمی برنامهلر اوتکزیلیشی توغریسیده سعیوحرکت قیلماقده.
اونینگ کوپهیتیریشیچه: «باغدارلر محصولنی ییغیشدن کیین، باغلریگه مخصوص توجه قیلیشلری کیرهک؛ درختلرگه آهکی گوگرد، آق اوره و زمستانه یاغ سیپیلیشی کیرهک و شونینگدیک باغلریگه حیوانی کود بیرسینلر. باغدارلردن باغلرگه سوو ییتیشیشی اوچون قطرهای سیستم نصب قیلیشلرینی ایستهیمیز.»
میدانوردک، مملکتنینگ زراعتی ولایتیلردن دیر. بو ولایت یشاوچیلریدن کوپینچهسی ایکینچیلیک و باغدارلیک یولیدن درآمد قولگه کیلتیرهدیلر و ایتیلیشچه، سونگی ییللرده اوشبو ولایتده بومی میوهلر جملهدن آلمه و اوزوم ایکیلیشی توغریسیده توجه قرهتیلیش کوپهیگن.
