مملکت غرب زونی‌ده دهقان‌لردن بیرقطاری سۉنگی کون‌لرده‌گی یاققن قار و یامغیردن خورسندلیک قیلیب، اۉتگن ییل گه نسبتن بو ییل محصول‌لری یخشی‌راق حاصل بیریش گه امید بیلدیره‌دیلر.
اوشبو دهقان‌لر نینگ ایتیشلریچه، اۉتگن ییل قوروقچیلیک طفیلی محصولات‌لری اونچه‌لیک حاصل بیرمه‌گن اېدی.
هرات ده دهقان‌لردن بیرقطاری گه کوره، اوتگن ییل قوروقچیلیک باعث مالی زیان کورگن اېدیلر، بیراق سۉنگی کون‌لرده‌گی یاغینچیلیک اولر نینگ اېکنلری یخشی حاصل بیریش گه امیدوار قیلگن.
دهقان‌لردن بسم‌الله نینگ ایتیشیچه: «ایکّی ییل دن بیری قوروقچیلیک دیر، بوغدای، نخود، عدس، کرابیه اېکر اېدیک لېکن هېچ حاصل بیرمسدی، بو ییل قار و یامغیر یاغیشی اوچون کوپ اېککن‌میز.»
بیزلرنینگ فیسبوک صحیفه‌میزگه باش اورینگ!
هرات ده‌گی دهقان‌لردن باشقه بیری غلام‌رسول گه کوره: «اۉتگن ییل ده‌گی محصولاتی‌میز یاغمسلیک و سووسیزلیک اوچون هېچ حاصل بیرمه‌دی.»
هرات ایکینچیلیک، سوغاریش و چاروه‌چیلیک ریاستی نینگ زراعت ایشلری بوییچه آمری محمدنسیم گه کوره، اۉتگن ییل‌لر گه نسبتن بو ولایتده قوروقچیلیک میزانی کمه‌یگن.
اونینگ ایتیشیچه: «قار یاغیش‌دن آلدین دهقان‌لری‌میز کوپ تشویش ده اېدیلر، قار و یامغیر یاغیشی بیلن اهالی امیدوار بولگن.»
شونینگدیک، غور ده‌گی دهقان‌لر سۉنگی کون‌لرده یاققن قار و یامغیرنی خوش قرشی‌لب، کېله‌سی ییل اېکنلری یخشی حاصل بیریشنی کوتماقده‌لیکلرینی معلوم قیله‌دی.
بیزلرنینگ «ایکس» ترماغی ده هم تعقیب قیلینگ!
غور یشاوچیسی محمدالله دهقانچیلیک آرقه‌لی عایله اعضالری نینگ خره‌جتینی تامینله‌یدی ایتیشیچه: «هر ییلی یوز سیر بوغدای اېکر اېدیم، هر ییلی ۵۰ دن ۶۰ سیر کچالو اېکه‌میز لېکن قوروقچیلیک بولدی اېکن‌لریمیز یخشی حاصل بیرمه‌دی.»
غرب زونیده‌گی ولایت‌لردن باشقه بیری نیمروز ده دهقان‌لردن بیرقطاری نینگ ایتیشلریچه، اوشبو ییل مذکور ولایتده قار آز یاققن بولسه ده، بیراق اوتگن ییل گه نسبتن بو ییل کوپراق اېکیش گه قررا قیلگنلر.
باشقه تاماندن اوشبو دهقان‌لر محلی مسئوللردن دهقان‌لر نینگ قیینچیلیگی حلی اوچون دقت قیلیش‌لرینی سۉره‌یدیلر.
افغانستان زراعتی بیر مملکت دیر و کوپ سانده یشاوچیلری اېنیقسه قیشلاق‌ده‌گی اهالی اېکینچیلیک و چاروه‌چیلیک آرقه‌لی عایله اعضالری نینگ خره‌جتینی تامینله‌یدی، بیراق سۉنگی تورت ییل کېتمه-کیت قوروقچیلیک اولر نینگ اقتصادی گه سلبی تأثیر قویگن.
