جوزجان معلومات و مدنیت ریاستیده، هنر رواجلنیشی، صناعتچیلرنی قوللب-قوتلش و هنری اثرلر نمایشی اوچون مناسب فضا یرهتیلیشی مقصد، «نگارستان» آتیده ینگی بیر بولیم آچیلگن.
جوزجان معلومات و مدنیت باشلیغی سیفالدین معتصم، نگارستان بولیمی آچیلگنینی اسلامی و ملی اصیل صناعتلرنینگ تیکلش یولیده مهم آدیم دیب و ایتیشیچه، بو محیط جمعیتگه استعدادلرنی بیلدیریش و فرهنگی نهادلر حمایتیدن فایدهلنیش توغریسیده صناعتچیلرگه یخشی زمینهنی یرهتهدی.
شوندهی بیرحالده، معلومات و مدنیت وزیرلیگینینگ نگارستان آمریتی بوییچه اثرلرنی رویخطگه اوتکزیش عمومی مدیری خیرالدین ابراهیمخیلگه کوره، نگارستان نهفقط هنری اثرلر سقلنهدیگن جای، بلکیم صناعتچیلر و هنر سیورلرگه بیر اوی دیر.
ابراهیمخیلنینگ ایتیشیچه، حاضرگچه مملکت ۲۰ ولایتیده بو کبی بولیملر فعال بولیب و یقینده باشقه ولایتلرده هم آچیلیشیگه قرار آلینگن.
اونینگ کوپهیتیریشیچه، بیرینچی آدیمده نقاشلیک و خطاطلیک اثرلری شامل ۲۰ هنری اثر، مملکت مرکزیدن جوزجان گه انتقال بیریلیب و بو ولایتده آچیلگن نگارستانده نمایش گه قوییلگن.
