اسلام امیرلیگی نینگ قدرت گه ایریشگنیدن کیین، مملکت‌ده قوراللی آتیشمه‌لر کوز گه کورینه‌رلی درجه‌ده کمه‌یگن؛ بیراق پارتلش و جنایی واقعه‌لر یشاوچیلر نینگ فیزیکی و روانی سلامت‌لیگی نی تهدید قیله‌دی.
ینگی‌لیکده اوتگن کون کابل شهری نینگ ایکینچی خوفسیزلیک حوزه‌سیده جایلشگن پشتونستان سرکی‌ده یوز بیرگن پارتلش‌ده، کابل امنیه قوماندانلیگی نینگ معلوماتی اساسیده، ایکی تینچ‌اهالی یره‌لنگن.
شونده‌ی بیرحالده، شنبه کونی ۱۵-دلو، جوزجان مرکزی شبرغان شهری نینگ بیشینچی خوفسیزلیک ساحه‌سیدن اوغلی نینگ کویگن جسدی تاپیلگن محمد‌‌ناصر، اسلام امیر‌لیگی‌دن عدالت تامین‌لنیشی نی ایسته‌یدی.
بیزلرنینگ توییترده هم تعقیب قیلینگ!
اونینگ ایتیشیچه: «اسلام امیر‌لیگی‌دن قاتل‌لر نینگ تاپیلیشی نی ایسته‌یمیز. شو نیچه کون‌ده سعی و حرکت قیلماقده‌لر، بیراق حاضرگچه هیچ بیر نتیجه قول گه کیلمه‌گن.»
شونینگدیک جمعه کونی ۱۴-دلو یوز بیرگن باشقه بیر قانلی واقعه‌ده، بلخ ولایتی چمتال تومنی نینگ «جرقلعه» قیشلاغیده، بیر عایله نینگ ییتی عضوی ناتانیش قوراللی کیشی‌لر تامانیدن اولدیریلگن.
سونگی آی‌لرده یوز بیرگن جنایی واقعه‌لر، یشاوچیلر آره‌سیده ناتینچ‌لیک حسی نی کوپه‌یتیرگن.
کابل یشاوچیلریدن بیری کیم‌لیگی سِر قالیش نی ایسته‌ب سلام‌وطندار گه ایتیشیچه: «خواطرلر کوپه‌یگن. تینچلیک کیله‌دی دیدیک، بیراق پارتلش سیسی حاضرگچه بار. اسلام امیر‌لیگی‌دن بولردن توسیق بولیش‌لری نی ایسته‌میز.»
کاپیسا یشاوچیسی بولیمیش نوید‌الله (مستعار اسم)، ایکی آی آلدین جنای واقعه‌لرده عایله‌سیدن بیری نی قولدن بیرگن. او اسلام امیر‌لیگی‌دن اوشبو واقعه‌لر عامل‌لری بیلن جدی برخورد قیلیش‌لری نی ایسته‌یدی.
اونینگ ایتیشیچه: «اسلام امیر‌لیگی‌دن قاتل‌لر نی قولگه آلیب و جزالنتیریلیشی نی ایسته‌یمیز.»
مملکت‌ده جنایی واقعه‌لر خصوصیده خواطرلر کوپه‌یشی یانیده، حاضر یشاوچیلر نادارلیک‌دن رنج ایلته‌دیلر؛ ایش بیلرمان‌لر نینگ ایشانچی گه کوره، شو شرایط ناتینچ‌لیک اینیقسه جنایی واقعه‌لر یوز بیریشی نینگ اصلی عاملی دیر.
بیزلرنینگ فیسبوک صحیفه‌میزگه باش اورینگ!
بو توغریده حربی ایش بیلرمان یوسف امین‌زازی نینگ ایتیشیچه: «جنایی جرم‌لر بیری ولایت‌لر و باشقه بیری ایسه بویوک شهر‌لرده دیر. بو وضعیت کوپ اونملی چونکه اهالی ایش‌سیز، پولی یوق و اهالی نینگ اقتصادی خراب دیر که بو اوزی جرم‌لر سطحی نی یوقاری ایلته‌دی و بو کته بیر خواطر دیر.»
شونده‌ی بیرحالده، ایچکی ایشلر وزیرلیگی اوتمیش ییل گه قره‌گنده ناتینچ‌لیک و جنایی جرم‌لر کمه‌یشی‌دن خبر بیریش بیلن ایتیشیچه، امنیت نی تامین‌لش اوچون جدی بیر شکلده سعی و حرکت نینگ دوامی بار.
عین حالده، ایچکی ایشلر وزیرلیگی ینگی بیر گزارش ترقه‌تیب و ایتیشیچه، اوتگن بیر ییل جریانیده، مملکت بویلب کمیده بیر مینگ ۵۹۱ واقعه یوز بیرگن.
