کابل و مملکت نینگ بیر قطار ولایت‌لر یشاوچیلریدن قطاری، سونگی هفته‌لرده برق پرچاوی‌سی کوپه‌یگنی‌دن شکایت قیلیب و ایتیشلریچه، بیر کیچه و کوندوزده توقیز ساعت‌دن کوپراق برق‌لری یوق.
کابل نینگ شهرنو یشاوچیسی عبدالصبور گه کوره، هوا ایسیق‌‌لیگی بیلن برق پرچاوی‌سی حیات نی اولر اوچون قیین قیلگن. اونینگ ایتیشیچه: «باله‌لر اوخله‌گنی پیتده، برق بولمسه، اولر قنده‌ی قیلسین و بیزلر کوپ قیین‌چیلیککه روپه‌ره‌میز. برق هم یوق و اوی هم ساووق ایمس. بو وضعیت‌ده اهالی نیمه قیلسین.»
شونینگدیک کابل نینگ ۱۳-ناحیه یشاوچیسی بولمیش قیس گه کوره، بیر هفته‌دن بویان برق پرچاوی‌لری کوپه‌یگن و بیر کیچه و کوندوزده ۱۲ ساعت برق‌دن فایده‌لنه آلمه‌یدیلر. «کابل ده برق پرچاوی‌سی کوپه‌یگن و ایرتنگ ساعت بیش‌دن آخشم ساعت بیش یا-ده آلتی‌گچه کیته‌دی.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، ننگرهار، هرات و ارزگان ولایت‌لری یشاوچیلریدن قطاری مذکور ولایت‌لرده برق پرچاوی‌لری کوپه‌یگنی‌دن شکایت قیلیب و برشنا شرکتی‌دن، نیازلری بولگن برق نینگ تامین قیلیشلری نی ایسته‌گنلر.
لغمان ولایتی یشاوچیسی و آیسکریم ساتیله‌دیگن دکان ایگه‌سی بولمیش اکرام نینگ ایتیشیچه، برق پرچاوی‌لری سبب، آیسکریم توزته‌دیگن ماشینی نینگ چرخی حرکت‌دن قالگن. اونینگ کوپه‌یتیریشیچه، بیر کیچه و کوندوز ده ۹ ساعت‌دن کوپراق برق‌دن فایده‌لنه آلمه‌یدی. «بیر کیچه و کوندوزده ۹ ساعت‌دن کوپراق برقی‌میز یوق و بیر کونده نیچه مرته کیته‌دی. ایشی‌میز قالگن و قیلگن خره‌جتلریم نی تولدیره آلمه‌یمن.»
باشقه بیر تاماندن، ارزگان یشاوچیسی بولمیش عجب‌خان نینگ ایتیشیچه: «هوا ایسیق و کوپ قیین‌چیلیککه روپه‌ره بولگن‌مین. مرکزده بیر مدتگچه تامین بوله‌دی و تومن‌لرده اهالی برق‌دن فایده‌لنه آلمه‌یدی.»
شونینگدیک هرات یشاوچیسی عبدالرزاق، سرپرست حکومت‌دن یشاوچیلرگه دایمی برق نینگ تامین‌لنیشی نی ایسته‌گن. «یاز موسومی‌ده اهالی نینگ کوپراق برققه نیازی بار و ایته آله‌من که بیر کونده ۸-۱۰ ساعت اهالی برق‌دن فایده‌لنه آلمه‌یدی و برشنا شرکتی‌دن نیازیمیز بولگن برق نینگ تامین‌لنیشینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
عین حالده، افغانستان برق ییتکیزیش شرکتی مسئوللری نینگ ایتیشلریچه، برق پرچاوی‌لری کمه‌یشی اوچون، بیر قطار برنامه‌لری بار.
برشنا شرکتی عملیاتی باشلیغی صفی‌الله احمدزی نینگ ایتیشیچه: «عملی شکلده شبرغان دن دشت الوان‌گچه و دشت الوان دن کابل ارغندی‌گچه ۵۰۰ کیلووات برق تولیدی بولیمی‌ده ایش نینگ دوامی بار؛ ۱۸آی یا-ده ایکی ییل‌ده بو پروژه ایشی نینگ یکونلنیشی و ولایت‌لرده ۲۴ ساعت برق نینگ تامین‌لنیشی گه امیدوار‌میز. اهالی‌دن برق‌دن درست شکلده قوللنیشلری نی ایسته‌یمیز.»
افغانستان برق ییتکزیش شرکتی نینگ معلوماتی اساسیده، حاضر ایسه یشاوچیلر ۱۵۰۰ میگاوات برققه نیازی بار که اوشبو شرکت بیر کیچه و کوندوز ده مملکت یشاوچیلری گه ۹۰۰ میگاوات برق نینگ تامین‌لش امکانیتی گه ایگه دیر.
