کابل ده بیرلشگن ملت‌لر تشکیلاتی اورین باسرلیک هیأت دفتری (یوناما) نینگ ینگی گزارشی اساسیده، افغانستان میلادی ۲۰۲۲_ییل ده آنه‌لر و چقه‌لاق‌لر نینگ اولیم میزانی کوپ بولگن مملکت تانیلگن. مذکور نهاد گه کوره، افغانستان ده کوپ سانده چقه‌لاق‌لر توغیلیش بیرینچی هفته‌لریده وفات ایته‌دیلر.
یوناما نینگ گزارشی ده کیلیشیچه: «افغانستان ده آنه‌لر و چقه‌لاق‌لر نینگ اولیم میزانی کوپ دیر، خلق‌ارا ساغلیق‌نی سقلش تشکیلاتی، بیرلشگن ملت‌لر تشکیلاتی نینگ باله‌لردن حمایت قیلووچی صندیغی و بیرلشگن ملت‌لر تشکیلاتی نینگ جمعیت صندیغی کبی خلق‌ارا نهادلر، آنه‌لر و چقه‌لاق‌لر نینگ اولیمی گه توسیق بولیش مقصدیده سعی‌وحرکت قیلماقده‌لر.»
عین‌حالده، بدخشان ولایتی شهر بزرگ تومنی یشاوچیسی محمدعلیم گه کوره، اولر نینگ منطقه‌سیده ستندرد کسلخانه یوق و تورموش اورتاغی ولادت چاغیده وفات ایتگن.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «منطقه‌میزده ستندرد کسلخانه یوق، آلتی آی آلدین شهر گه باریش چاغیده تورموش اورتاغیم ولادت پیتیده وفات ایتدی.»
باشقه تاماندن، غور یشاوچیسی فرشته نینگ ایتیشیچه، ینگی‌لیکده سینگلیسی نینگ چقه‌لاغی منطقه‌لریده‌گی ساغلیک مرکز ده طبی امکانیت یوق‌لیگی سبب عالمدن اوتگن.
او نینگ کوپه‌یتیریشیچه: «سینگلیم نینگ بیرینچی چقه‌لاغی ایدی، کسل بولیشیدن کین شفاخانه گه مراجعت قیلدی و شفاکار ایسه عملیات قیله آلمه‌ی و غور مرکزی گه یوللـه‌دی و اونی غور مرکزی گه انتقال بیریش اوچون موتر کبی امکانیت یوق‌لیگی باعث سینگلیم کسلخانه یقینیده چقه‌لاغینی دنیا گه کیلتیردی.»
شو بیلن بیرگه، افغانستان نسایی ولادی شفاکارلر انجمنی باشلیغی نجم‌السما شفاجو گه کوره، ساغلیق‌نی سقلش وزیرلیگی اوزاق منطقه‌لرده شفاکارلر و قابله‌لر نینگ ظرفیتینی آشیریشی کیره‌ک.
او نینگ ایتیشیچه: «ساغلیق‌نی سقلش وزیرلیگی اوزاق منطقه‌لرده ستندرد کسلخانه‌لرنی قوریشی کیره‌ک، تأسف بیلن کوپ سانده نسایی ولادی شفاکارلری مملکت نی ترک ایتگن و حاضر هم ترک ییتماقده‌لر و یشاوچیلر نینگ بوتوغریده آگاهی‌لیگی یوق دیر.»
بیراق ساغلیق‌نی سقلش وزیرلیگی گه کوره، اسلام امیرلیگی حاکمیتیدن کیین، مملکت ده آنه‌لر و چقه‌لاق‌لر نینگ اولیم میزانی ۸۰ فایز کمه‌یگن.
بیزلرنینگ توییترده هم تعقیب قیلینگ!
حاضر مملکت نینگ اوزاق منطقه‌لریده یشاوچیلر اوچون ساغلیک مرکزلری قوریلگن دیدی ساغلیق‌نی سقلش وزیرلیگی سوزلاوچیسی شرافت زمان.
اونگه کوره: «حاضرگچه اوزاق منطقه‌لرده ۱۵۰ کسلخانه قورگن‌میز و شونینگدیک کوپ سانده قابله‌لر وظیفه‌لنتیریلگن و حاضر یشاوچیلر طبی امکانیت‌لردن فایده‌لنه آله‌دیلر.»
بوندن آلدین، خلق‌ارا ساغلیق‌نی سقلش تشکیلاتی افغانستان ده هر ۱۰۰ مینگ ولادت ده ۶۳۸ آنه، ولادت پیتیده وفات ایتیشینی ایتگن ایدی.
