غزنی شهرینینگ آلتینچی ناحیهسی «قلعهی شهاده» منطقهسیده جایلشگن لایلی اوچ اتاقلیک قدیمی بیر حویلیده، ۱۶ یاشر مهدیه قربانی اسملی بیر قیز ییتی کیشیلیک عایلهسی بیلن حیات کیچیرماقده. عایلهسینینگ کته فرزندی بولگن مهدیه، دینی مدرسهلردن بیریده سکیزینچی صنف اوقووچیسی دیر. او ساده، بیراق ایجادی بیر تشبث بیلن برقی سوپیرگی توزهتیشگه موفق بولگن. مهدیهنینگ ایتیشیچه، مذکور سوپیرگینی بیریریم لیترلیک بیرته بوتل، شارژ بولهدیگن ایکیته باتری، بیرته شارژر، ساکت و بیرته پکهدن فایدهلنیش بیلن توزهتگن. او قریب بیر یریم آی آلدین بو وسیله توغریسیده ایشلشگه باشلهب و اونینگ توزهتیلیشی بیر آی وقت آلگن.
مذکور سوپیرگینینگ ایشی ینگیلیکده یکونلهنیب و مهدیه اونی توزهتیش اوچون یالغیز ۱۸۰ افغانی صرفلهگن. «بیرته بوتل، شارژ بولهدیگن ایکیته شارژر، بیرته آرمیچر، پکه و یاقیب-اوچیریش اوچون بیرته ساکتدن فایدهلندیم. آرمیچرنی جودهیم قیین شکلده تاپه آلدیم، ایشی یخشی و چنگلرنی یخشی بیر شکلده تارتیب آلالگن بیر آرمیچر یوق ایدی. بونی توزهتیش اوچون ۱۷۰-۱۸۰ افغانی صرفلهدیم.»
مذکور برقی سوپیرگی ساده بیر سویچ بیلن یاقیلیب، اوی و میزنینگ چنگی، توپراق و میده-سویده نرسهلر بیلن افلاسلنگن نرسهلرنی ستندرد برقی سوپیرگی کبی بوتل ایچیگه تارتیب و ییغهدی. مهدیهنینگ ایتیشیچه، مذکور سوپیرگینی بو کبی نرسهگه عایلهلرنینگ نیازمندلیگی همده اوی تمیزلیگی و تازهلنیش ایشلریده عیاللر اوچون آسایشتهلیک یرهتیلیشی مقصد توزهتیب و بو نرسه اونینگ بیرینچی توزهتگن نرسهسی دیر. «قولیمیز یانیده بولگن ساده نرسهلردن فایدهلنیش بیلن حیات کیچیرهدیگنیمیز بیر جایده تاپیلیشی قیین بولگن بیر نرسهنی توزتماقچین بولدیم. ایشگه یرهگن بیر نرسهنی توزهتماقچین بولگن ایدیم. اوشبو برقی سوپیرگیدن کوپراق توزهتیشنی ایستهیمن.»
۱۶ یاشر بو قیزنینگ ایتیشیچه، برقی سوپیرگینی توزهتیش ایشینینگ باشلنغیچی بولیب، باشقه برقی جهازلرنینگ توزهتیش قراری بار. مهدیهگه کوره، حاضر ینه هم برقی سوپیرگی توزهتیش لایحهسی قولی آستیده بولیب، بیرینچی توزهتگنی نرسهگه نسبت یخشیراق فایدهلنیش امکانیتیگه ایگه دیر. اونینگ ایتیشیچه، بو ایشنی عملگه آشیریش اوچون قوللب-قوتلنیشگه نیازی بار. «یخشیراق نرسهلرنی توزهتیشگه قیزیقهمن؛ البته که حمایت بولسم. حاضر یخشیراق اوسکونهلر بیلن ینه بیر برقی سوپیرگینی توزهتماقچینمین.»
مهدیه قربانی، او اونینگ کبی نرسهلرنی توزهتیشگه قیزیققن قیزلر اوچون یخشی و تخنیکی بیر لابراتوار توزهتیلیشینی آرزو قیلهدی. شونینگدیک او، آرزولرینینگ عملگه آشیریلیشی اوچون اسلام امیرلیگی همده باشقه نهادلر آرقهلی فنی و اقتصادی قوللب-قوتلنیشنی ایستهیدی. «اقتصادی نقطهی نظریدن حمایت بولیشنی ایستهیمن. شونینگدیک مین و مینی کبی برق وسیلهلری بیلن ایشلب و نرسه توزهتیشگه قیزیققن قیزلر اوچون کیرهکلی قطعهلر ایشلب چیقریلهدیگن بیر دستگاهنینگ توزهتیلیشینی آرزو قیلهمن.»
مدرسهده مهدیه قربانینینگ اوقیتووچیسی بولمیش فاطمه جعفری، اونینگ خلاقیتی توغریسیده شوندهی دیدی: «دایم مین جمعیتگه خذمت قیلهمن و باشقهلرگه آسایشتهلیک یرهتهمن دیهر ایدی. برقی سوپیرگینی توزهتیشدن آلدین بیر نرسه توزهتهمن دیب مینی بیلن گپلشگن ایدی و مین جودهیم خوش بولیب و اونی تشویق قیلدیم؛ چونکه یالغیز سکیزینچی صنفگچه اوقیب و بو کبی بیر نرسهنی توزهتگن بیر قیزنینگ حقیقتاً تقدیر بولیشی کیرهک.»
مهدیهنینگ آنهسی معصومهنینگ ایتیشیچه، قیزی ایجادکارانه فکرلب و هر بیر ایشینی یوقاری ایجادکارلیک بیلن عملگه آشیرهدی. «مهدیه جان جودهیم خلاق بیر قیز دیر. دایم اونگه تاپشیریلگن بیر ایشنی یخشی بیر شکلده عملگه آشیریش اوچون سعیوحرکت قیلهدی.»
افغانستان دهگی قیزلر شونینگدیک بوندن آلدین هم تکنولوژی بولیملریده یخشی ایجادکارلیکلر قیلیب، شرایط یرهتیلگنی و امکانیت بولگنی صورتده، تورلی بولیملرده مهم علمی یوتوقلرگه قول تاپه آلهدیلر.