میلادی ۲۰۲۵-ییل، ۱۵-آگست (قویاش ۱۴۰۴-ییل، ۲۴-اسد) اسلام امیرلیگینینگ افغانستانده قدرت نی آلگنی تورتینچی ییللیگیگه تینگ. اوشبو مدت ایچیده افغانستان سیاسی، اقتصادی و اجتماعی ساحهلرده سیزیلرلی اوزگریشلر گواهی بولگن.
امریکانینگ ترقیاتی یاردملری کېسیلیشی، قۉشنی اولکهلردن میلیونلرچه یشاوچیلرنینگ قیتیشی و اوتگن بیر ییل ایچیده اقلیم اوزگریشی طفیلی انقراضلر کېنگهیشی، افغانستاننینگ ضعیف اقتصادی گه تأثیر قیلگن.
سرپرست حکومت اقتصاد وزیرلیگی گه کوره، افغانستاننینگ اقتصادی احوالی یخشیلنماقده و قیینچیلیکلر هم یخشی شکلده باشقریلگن. اقتصاد وزیرلیگی سۉزلاوچیسی عبدالرحمان حبیب گه کوره: «اقتصادی چېکلاولر، افغانستاننینگ سرمایهسی توسیلیشی، خلقارا تشکیلاتلرنینگ ترقیاتی لایحهلری توختهتیلیشی، قورغاقچیلیک، مینگلرچه کیشینینگ قیتیشی و اقلیم اوزگریشیگه قرهمی؛ افغانستان اقتصادی ایجابی یوللردن قوللنیش بیلن مثبت اوزگریشلر گواهی بولگن.»
حبیب گه کوره، چیت ایل پوللری برابریده افغانی پول نرخی آشگن و ایچکی نهادلر و مملکتلر بیلن بیرقطار اقتصادی کیلیشوونامهلر و آست قورمهلر امضالنگن، بولرنینگ برچهسی افغانستان اقتصادی یخشیلنگنیدن درک بیرهدی.
اقتصاد وزیرلیگی سۉزلاوچیسینینگ ایتیشیچه، سۉنگی تورت ییل ایچیده، تورلی ساحهلرده ۶۸۶ ترقیاتی لایحه و بیر مینگ ۶۱۵ فرعی لایحه عملگه آشیریلگن و ۴۱۴ ترقیاتی لایحه و باشقه ۶۰۰ فرعی لایحه ایشی، اوشبو ییلده باشلنگن.
بیزلرنینگ فیسبوک صحیفهمیزگه باش اورینگ!
دنیا بانکینینگ گزارشی اساسیده، افغانستان اقتصادی میلادی ۲۰۲۴-ییلده ۲ دن ۲.۵ فایز آشگن، بونینگ دلیلی دهقانچیلیک ایشلب چیقریشلر یخشیلنیشی و ایچکی همده خارجی سرمایه یاتقیزووچیلرنی جلب قیلیش بولگن.
سرپرست حکومت هم اقتصاد ترقیاتی و توسیقلردن قاچیش اوچون سودا آلیش-بیریشده چین یوان و روس ربل پوللریدن قوللنگن؛ بیراق خلقارا اینیقسه امریکا قۉشمه ایالتلری یاردملری کمهیشی، یاردم بیرووچی نهادلرنینگ بودجهسی کمهیشی، اقتصادی معمالر و آزیق-آوقت ناتینچلیگینی کوچهیتیرگن.
افغانستاننینگ اقتصادی قیینچیلیکلرینینگ باشقه بیر قسمی، جمهوریت توزومی قولهشیدن سۉنگ شکللنگن اوشبو مملکت بانک تیزیمیگه قوییلگن چېکلاولردن کیلیب چیقهدی.
افغانستان مرکزی بانکی گه کوره، سۉنگی بیر ییل ایچیده مالی و خلقارا آلیش-بیریش جریانی آسانلتشیریلگن و پول آلیش گه بولگن چېکلاولر هم کمهیگن. مرکزی بانکنینگ کوپهیتیریشیچه، اوتگن ییلده بو بانکنینگ سرمایهسی ۱۵ میلیارد افغانی ایدی و امریکا دالری گه نسبتن ۰.۷۹ فایز آشگن.
افغانستان مرکزی بانک سۉزلاوچیسی حسیبالله نوری، اوشبو مدت ایچیده بانکی قۉللب-قوتلنیشلر هم آشگنینی ایتهدی.
«فقط سۉنگی اوچ آی ایچیده یشاوچیلرنینگ پولی ۷.۹ میلیارد افغانی گه آشگن. پول آلیش گه بولگن چېکلاولر کمهیگن و خلقارا مالی آلیش-بیریش جریانی آسانلتشیریلگن؛ قریب ۵ میلیارد افغانی ایسکیرگن پول بازاردن ییغیلگن.»
سودا سکتوریده هم، اسلام امیرلیگی سۉنگی بیر ییل ایچیده منطقه اینیقسه اۉزبېکستان، قیرغزستان، تورکمنستان، چین، ایران و روسیه بیلن علاقهسینی مستحکملش گه سعی-حرکت قیلگن. اوشبو مملکتلر بیلن سودا حجمی تعییلنگن و سودا قۉشمه اتاقلر تشکیل قیلینگن.
اوشبو چارهلر افغانستاننینگ سودا ساحهسیگه خلقارا مشروعیت انقراضینینگ سلبی تأثیرینی بیر آز کمهیتیریشگه موفق بولگن.
صناعت وسودا وزیرلیگی مسئوللری گه کوره، اوتگن بیر ییل ایچیده افغانستاننینگ سودا حجمی ۱۳ میلیارد دالر گه یېتگن، بو یشاوچیلرنینگ خرید قابلیتی آشگنیدن درک بیرهدی.
بیزلرنینگ «ایکس» ترماغی ده هم تعقیب قیلینگ!
اوشبو وزیرلیک سۉزلاوچیسی عبدالسلام جواد گه کوره: «افغانستان صادراتی قویاش ۱۴۰۳-ییلده بیر میلیارد ۷۸۵ میلیون دالر و واردات رقمی ۱۱ میلیارد ۱۶۴ میلیون دالر بولگن.»
افغانستان اوشبو مدت ایچیده کوپراق پاکستان، هندوستان، بیرلشگن عرب امیرلیگی، ایران، قزاقستان، چین، تورکیه و تاجیکستان گه توار صادر قیلگن و اېنگ کوپ ایران، بیرلشگن عرب امیرلیگی، چین، روسیه، هندوستان و پاکستاندن توار وارد قیلگن.
قویاش ۱۴۰۲-ییلده افغانستان صادراتی بیر میلیارد ۸۱۱ میلیون دالر و واردات رقمی ۸ میلیارد ۵۷۶ میلیون دالر بولگن؛ بو رقم سۉنگی بیر ییل ایچیده افغانستان صادراتی خودّی شو ییلنینگ بیر ییل ایلگریسیگه نسبتن بیر آز آزراق لېکن ورادات رقمی اوچ میلیارد دالر گه آشگن.
اقتصادی ایش بیلرمانلرنینگ ایتیشیچه، افغانستان اقتصادی توزیلمهلریده تن آلینمسلیک طفیلی قیینچیلیکلر، اوتگن بیر ییلده عایلهلر درآمدی و یشاوچیلرنینگ تیریکچیلیک احوالی یامانلنیشی گه آلیب کیلگن.
اقتصادی ایش بیلرمان شاکر یعقوبی گه کوره: «توزیلمه قیینچیلیکلری طفیلی، اوتگن بیر ییلده ثابت معاش بیلن رسمی وظیفه، نرخی پس توشگن، یشاوچیلر تیریکچیلیک بویوملرینی تأمینلش اوچون نارسمی ایشلرگه یوز کیلتیرگن کوندهلیک ایشلش کبی، عایلهلرنینگ درآمدی کمهیگن؛ توزیلمه قیینچیلیکلری همان اوز جاییده و سلبی تأثیر قویگن، تشقی یاردملر کېسیلیشی، بانکی چېکلاولر، اقلیم اوزگریشلری و قورغاقچیلیک توزیلمه قیینچیلیکلریدن حسابلنهدی.»
اوتگن تورت ییل ایچیده، اسلام امیرلیگی اقتصادی احوالنی باشقریش اوچون افغانستان کانلرینی قازیب چیقریش کبی ایچکی درآمد منبعلری گه تیهنگن؛ سرمایه یاتقیزیش، کانلرنی قازیب چیقریش همده قیمتبها و یریم قیمتبها تاشلرنی ساتیش، اوشبو مدت ایچیده افغانستاننینگ درآمد منبعلری دییلگن.
اسلام امیرلیگی کانلر و پترولیم وزیرلیگی مسئوللری، اسلام امیرلیگینینگ تورت ییل حاکمیتیده، افغانستاننینگ بویوک کانلری اوستیده ییتّی میلیارد ۵۰۰ میلیون دالر و کیچیک کانلر اوستیده ۱۰ میلیارد افغانی سرمایه یاتقیزیلگن.
