بدخشان امنیه قوماندانلیگیده مسئوللرنینگ ایتیشلریچه، بوگون (پنجشنبه، ۶-سنبله)، اوشبو ولایت یفتل تومنینینگ «درهی راست» ساحهسیده، بیرته موتر یوکلنگن قایقنینگ چوکیشی عاقبتیده، اوچ کیشی اولیب و ایکی کیشی یرهلنگن.
بدخشان امنیه قوماندانلیگی سوزلاوچیسی احسانالله کامگارنینگ ایتیشیچه، یفتل تومنی ولسوالی سراجالدین متوکلنینگ معلوماتی اساسیده، بو واقعه نتیجهسیده قربان بولگنلردن بیرتهسینینگ جسدی سوودن چیقریلیب و باشقه ایکی جسدنینگ تاپیلیشی مقصد سعیوحرکت دوام قیلماقده.
جناب کامگار، محل یشاوچیلریدن جسدلر تاپیلیشی اوچون خوفسیزلیک کوچلری بیلن همکارلیک قیلیشلرینی ایستهب و کوپهیتیریشیچه، بو واقعهده یرهلنگنلر ولایتی کسلخانه گه انتقال بیریلیب و دوالنیش آستیده قرار تاپگن.
بیزلرنینگ فیسبوک صحیفهمیزگه باش اورینگ!
شونینگدیک بدخشان امنیه قوماندانلیگی سوزلاوچیسیگه کوره، بوگون شام چاغی یفتل تومنی «نشرین» قیشلاغیده، «دمترک» رسوملی بیر موتر بریکی بوزیلیشی طفیلی یشش بیر اویگه تیگگن که نتیجهده، تورت یاشر بیر باله اولیب و باشقه ایکی یاشر بیر باله جدی شکلده یرهلنگن.
احسانالله کامگارنینگ ایتیشیچه، بدخشان ولایتی ارگو تومنینینگ «کوتل ریزکان» ساحهسیده یوز بیرگن باشقه بیر ترافیکی حادثهده، موتر هیداوچیسی یرهلنگن. مذکور ترافیکی حادثه، بوگون «کرولا» رسوملی بیر موترنینگ سرکدن چیقیب و چپه بولگنی عاقبتیده یوز بیرگن.
ایتیش کیرهک که، سونگی کونلر مملکتنینگ تورلی ولایتلری جملهدن بدخشان ده ترافیکی حادثهلر یوز بیریشی کوپهیگن.
