جوزجان ده مسئوللر، اوشبو ولایت خانقاه تومنی حدودلریده بوگون ایرتهلب (۱۳-جوزا، سهشنبه)، ترافیکی حادثه یوز بیرگنیدن خبر بیرگنلر.
جوزجان-بلخ عمومی قتناو یولی تولی قوماندانی رازمحمد حقملنینگ ایتیشیچه، یوز بیرگن اوشبو ترافیکی حادثه نتیجهسیده، ایکی باله و بیر عیال شامل تورت کیشی اولیب و باشقه ایکی کیشی ایسه یرهلنگن.
بیزلرنینگ فیسبوک صحیفهمیزگه باش اورینگ!
جناب حقملنینگ کوپهیتیریشیچه، مذکور حادثه «سراچه» رسوملی بیر موترنینگ «پاسو» رسوملی بیر موتر بیلن توقنشگنی نتیجهسیده یوز بیریب، سراچه رسوملی موتر سرکدن چیقیب و چپه بولگن.
جوزجان-بلخ عمومی قتناو یولی تولی قوماندانیگه کوره، یرهلنگنلر دوالنیش مقصد، جوزجان ولایتی کسلخانهسیگه انتقال تاپیب و وضعیتلری قانیقرلی دیر.
بیزلرنینگ «ایکس» ترماغی ده هم تعقیب قیلینگ!
ایتیلیشیچه، یوز بیرگن اوشبو ترافیکی حادثه سببی، هیداوچیلرنینگ تیز هیدهشی دییلگن.
