بدخشان ولایتی راغستان تومنیده بیر کانده یوز بیرگن پارتلش عاقبتیده ۴ کیشی اولیب و یرهلنگن.
بدخشان امنیه قوماندانلیگی مطبوعات ادارهسی بیر بیانیه ترقهتیب ایتیشیچه، اوشبو واقعه بوگون (۲۷ دلو/۱۶ فبروری، دوشنبه) راغستان تومنیده بیر کانده یوز بیرگن.
بیانیه گه کوره، واقعهده بدخشان یفتل تومنی یشاوچیلریدن ایکی کیشی قربان بولگن و ایکی کیشی یرهلنگن.
بدخشان امنیه قوماندانلیگی مطبوعات ادارهسی بیانیهسیده، واقعه کان قزیب چیقریش پیتیده پارتلاوچی مادهدن قوللنیش سبب یوز بیرگن و واقعه گه دایر تیکشیرولر باشلنگنی قوشیمچه قیلینگن.
مملکت تورلی ولایتلری اینیقسه بدخشانده کانلر ناقانونی طرزده قزیب چیقریلیشی طفیلی، کانچیلر اوستیده توپراق قولشی و پارتلشلر کبی واقعهلر انده-سنده یشاوچیلردن قربانلیک آلگنی ایتیلهدی.
