کابل امنیه قوماندانلیگی سوزلاوچیسی خالد زدران، سلاموطندار بیلن صحبتده، ۲۱ حوت/۱۲ مارچ، پنجشنبهدن جمعه گه اوتر کیچه، پاکستان جنگری اوچاقلرینینگ کابل شهری ۲۱ امنیتی حوزه حدودلریگه قرهشلی، پلچرخی «۲۴ گذر» منطقهسیده، یشش بیر اوینی نشانگه آلگنینی بیلدیردی.
زدران جنابلریگه کوره، اوشبو هجوم عاقبتیده ۴ تینچ اهالی شهید بولگن و ۱۵ کیشی، باشقه اویلردن یرهلنگن.
عینحالده، اوتگن کونی هم پاکستاننینگ خوست ولایتیگه هجومی عاقبتیده بیر عایلهنینگ تورت اعضاسی اولیب و اوچ کیشی یرهلنگن ایدیلر.
اسلام امیرلیگی سوزلاوچیسینینگ اورین باسری، پاکستان حربی کوچلرینینگ خوست ولایتی علیشیر تریزی تومنیده اویوشتیرگن هجوملری عاقبتیده بیر ایرکک، بیر عیال و ایکی باله اولیب و اوچ باله ایسه یرهلنگن و برچهسی بیر عایله اعضالری ایکنلیگینی معلوم قیلگن ایدی.
