«بوتون عمرم تندیرنینگ دودی و کولی یانیده اوتیب کیتدی؛ کیلیب نان پیشیرهمن، بیر نیچه نان بالهلریمگه آلیب کیتهمن. بو هم حیات کیچیریش دیر.»
بو فاطمهنینگ سوزلریدن بیر قسمی دیر؛ یوزینینگ خطلری اونینگ ۵۰ یاشر بولگنینی کورستهدیگن مذکور عیال، ۱۳ ییلدن بیری کونینی ایسکیریب کیتگن بیر اویده، آخشمگچه تندیرده نان پیشیریش بیلن اوتکزماقده.
بیزلرنینگ «ایکس» ترماغی ده هم تعقیب قیلینگ!
فاطمه، هر کونی ایرتهلب یشاوچیلرگه نان پیشیریب و اوز اوییگه بیر آغیز نان آلیب باریش اوچون دشتبرچی منطقهسیدن پلسرخگه بارهدی. «تندیر یاقیب و نان پیشیریش مجبورلیک دیر. بو ییرگه کیلیب تندیرنی یاقهمن و هر کونی همه یشاوچی اویقوده بولگنی بیرحالده، مین ایرتهلب بو ییرگه کیلهمن که یشاوچیلرگه نان پیشیرسم. مجبورلیک، بولمسه کیلمهیمن. اوییم هم کوپ اوزاقده.»
فاطمهنینگ تورموش اورتاغی، کوریش امکانیتی آز بولگنی اوچون یخشیراق درآمد بیلن اوزیگه بیر ایش تاپه آلمهیدی و بو عایلهنینگ اقتصادی وضعیتی یخشی بولمهگنی سبب، فاطمهنینگ بالهلری هم درس و تعلیمنی قوییب، نیچه افغانی قولگه کیلتیریش مقصد بیرتهسی تیکووچیلیک و باشقه بیرتهسی ایسه اوتیب قیتهدیگن موترلر شیشهسینی پاک قیلیش گه یوز کیلتیرگن.
فاطمه، نان پیشیریش آرقهلی یخشی درآمد قولگه کیلتیرمهگنی بیلن، بیراق مشتریلری بولگنی اوچون ایشیدن رضایتی بار. «اوشه دایمی مشتریم بار. بو ییرگه کیلگنیمدن بیری بو مشتریلر بار. اولر سین مجبورلیکدن بو ییرگه کیلهسین و بیر لقمه نان قولگه کیلتیریش اوچون کیلهسین دیهدیلر.»
بیزلرنینگ فیسبوک صحیفهمیزگه باش اورینگ!
فاطمه شام پیتی ساعت آلتیگچه نان پیشیریش گه مصروف بولیب و اوندن کیین، آهسته آهسته پلسوخته بیکتیگه بارهدی و او ییرده تورموش اورتاغی بیلن بیرگه، اویلریگه کیتهدیلر. «ایش قیلمسدن باشقه چارهمیز یوق. بعضا تورموش اورتاغیم بیلن جنجل قیلهمن، لیکن پشیمان بولهمن، چونکه اونینگ کوریش امکانیتی آز دیر. بیر کوزی کورمهیدی و لینی موترلرده ایشلهیدی. مینگه قچان ایشینگ یکونلنهدی دیب زنگ اورهدی، چونکه پل سوخته گه باریب و قولیدن توتهمن و بیرگه اویگه کیتهمیز.»
فاطمهنینگ حیاتی بو اولکهدهگی باشقه مینگلرچه عیال کبی، ایستهگنلری حیات ایمس و او کونده تندیرگه یاقهدیگن یاغاچ کبی ایستهک و آرزولرینی یاقیشگه مجبور دیر.
