جنوبی کوریا سابق جمهور باشلیغی یون سوک یول، میلادی ۲۰۲۴ ییل، دسمبر آییده جاری قیلگن حربی حالت بیلن باغلیق عیبلاولر بوییچه، بیش ییل گه قماق جزاسیگه حکم قیلینگن.
معلوماتلر گه کوره، سئول مرکزی محکمهسی ۲۵ جدی/ ۱۵ جنوری، پنجشنبه کونی بوندهی قرار قبول قیلگن.
بو سابق جمهور باشلیغ گه نسبتن چیقریلگن بیرینچی حکم دیر. معلوماتلر اساسیده، محکمه اونگه جمعی ۱۰ ییل قماق جزاسی سورهگن؛ بیش ییل – حبس گه قرشیلیک اوچون، ۲ ییل – حربی حالت فرمانینی قیته کوریب چیقیش اوچون و ۳ ییل – وزیرلر کابینهسی اعضالرینینگ محاکمه حقوقلرینی بوزیش، خارجی ییتکرمهلر گه یالغان معلومات ترقهتیش و دلیللرنی یوق قیلیش اوچون.
یون سوک یول جنوبی کوریاده قماقده سقلنگن حالده عیبلاو اعلان قیلینگن ایلک عملدهگی جمهور باشلیغ بولدی. او سابق مدافعه وزیری و باشقه شخصلر بیلن تیل بیریکتیریب، اساسی قانون توزومنی ایزدن چیقریش مقصدیده عصیان اویوشتیریشده عیبلنگن.
یون سوک یول میلادی ۲۰۲۴-ییل، ۳ دیسمبرده جنوبی کوریاده حربی حکومت اعلام قیلیش اوچون سعی-حرکتی طفیلی، خلق قوزغلانی و پارلمان وکیللرینینگ قرشیلیگی بیلن دوچ بولیب و کیینراق پارلمان اونی جمهور باشلیغ لوازمیدن چیتلتدی.
ایسلهتیب اوتهمیز، اولراق محکمه جنوبی کوریا سابق جمهور باشلیغی یون سوک یول گه مملکتده ناقانونی حربی حالت جاری ایتگنی اوچون اولیم جزاسینی سورهگندی.
