بامیان محلی اداره‌سی نینگ ایتیشیچه، بو ولایت کشفی و استخباراتی گزارش‌لری اساسیده، نماینده‌لر کینگشی‌ده بامیان اهالیسی نینگ سابق نماینده‌سی عبدالرحمان شهیدانی طالبان گه قتنه‌شگن.
میدیالرگه ییتیشگن مکتوب گه کیلیشیچه، بامیان محلی اداره‌سی بو موضوع نی قویاش ۱۳۹۹/۲۰/۷/۵۲۹ مکتوبی آرقه‌لی محلی ارگانلر ایرکین اداره‌سی بیلن شریک قیلگن.
مذکور مکتوب گه کیلیشیچه: «موضوع: نماینده‌لر کینگش سابق اعضاسی عبدالرحمان شهیدانی نینگ طالبان گروهی گه قتنه‌شگنی.»
بامیان محلی اداره‌سی مذکور مکتوب ده محلی ارگانلرگه یازیشیچه: «دستلبکی معلوماتلر اساسیده نماینده‌لر کینگش سابق اعضاسی عبدالرحمان شهیدانی طالبان گروهی گه قتنه‌شیب و قطر گه سفر قیلگن، بیراق بو موضوع نی امنیتی ارگانلر تیکشیریب و تیزلیککه ایشانچ بیرسین.»
بامیان حاکمی سیدانور رحمتی بو خبرنی تصدیق‌لب سلام‌وطندارگه ایتیشیچه: «حقیقتی بار، بیراق بو موضوع دستلبکی دیر و امنیتی نهادلر بو موضوع نی تعقیب قیلیشی کیره‌ک.»
بیراق بامیان اهالیسی نینگ سابق نماینده‌سی عبدالرحمان شهیدانی بو عیبلاولرنی رد قیلیب ایتیشیچه، حاضر بیرلشگن عرب امیرلیگی ده یشه‌یدی و دوست‌لری نینگ دعوتی اساسیده دوبی گه دیر.
جناب شهیدانی نینگ کوپه‌یتیریشیچه: «مین بو عیبلاولرنی رد قیلیش بیلن و توطئه‌چیلرگه ایته‌من کیم بو قودوق دن سوو چیقاره آلمه‌یسیزلر. شهیدانی نینگ حیاتی بامیان اهالیسی گه بیللی دیر و بو هم بیللی دیر، طالب کیم دیر و نیمه بوله‌دی.»
جناب شهیدانی نینگ ایتیشیچه، تیزلیککه دبی دن افغانستان قیته‌دی و بو توغریده رسانه‌لرنینگ حضوریگه صحبت قیلیشی ممکن.
عبدالرحمان شهیدانی نماینده‌لر کینگشی نینگ سابق دوری ده نماینده ایدی. او نماینده‌لر کینگشی نینگ اوتگن سیلاوی ده ناقانونی قوراللی کیشیلری بارلیگی توغریسیده صحبت بیریب و کام‌ایر اوچاغی نینگ بامیان گه قونیشی گه رخصت بیرمه‌گنی اوچون نماینده‌لر کینگشی گه کاندید بولیش حقیدن محروم قالدی.
