شیلی ده اورمان یانغینی نتیجهسیده، کمیده ۱۸ کیشی اولیب و ۲۰ مینگ کیشی اویلرینی ترک قیلیشگه مجبور بولگن.
شیلی جمهور باشلیغی گابریل بوریچ، مذکور مملکت جنوبیدهگی ایکی منطقهده «فلاکتلی وضعیت» اعلام قیلگن.
اورمانلرنی قوریقلش تشکیلاتینینگ معلوماتی اساسیده، ۱۸-جنوری، یکشنبه کونیگچه اوت اوچیرووچیلر مملکت بویلب ۲۴ یانغیننی اوچیریش بیلن کورهشگن.
حاضرگچه شیلی جنوبیده سکیز مینگ ۵۰۰ هکتار ییر، آلاو آلیب و باشقه نیچه منطقه ایسه خوف آستیده قالگن.
محلی رسمیلرنینگ ایتیشلریچه، کوچلی بوران و هوانینگ یوقاری حرارتی یانغینلر کوچهیشیگه سبب بولیب و اوت اوچیرووچیلرگه، یانغیننینگ کنترولگه آلینیشینی قیینلشتیرگن.
جاری ییل باشیدن حاضرگچه، شیلی و آرژانتین مثلی کوریلمهگن حرارتلر و کوچلی ایسیق تولقینلری بیلن روپهره بولیب و مذکور آی جریانیده آرژانتیننینگ پاتاگونیا منطقهسیده ویرانقیلووچی یانغینلر یوز بیرگن.
