کابلنینگ شهرنو منطقهسیدهگی دکانلر و رستورانتلر ایشیگی یانیده توختهب، باشقه کیشیلرنی بیر دسته گل ساتیب آلیشگه تشویق قیلیش مقصد سعیوحرکت قیلهدیلر. اولرنینگ قرهشلری امید و کوتیش بیلن توله دیر. مذکور ییگیتلر، کونلریدن یریمینی مکتب گه باریب و یریمینی ایسه بیر نیچه افغانی قولگه کیلتیریش مقصد، ایسیق هواده کابلنینگ سرکلریده گل ساتیش بیلن اوتکزهدیلر.
اوشبو اوقووچیلردن بیری، هوانینگ ایسیقلیگیدن قاچیب و دکانلردن بیرینینگ زینهسیگه باریب اولتیرگن و قولیدهگی بیر نیچه دسته گل بیلن اولرنینگ ساتیلیشی اوچون بیر فرصتنی کوتیب تورگن. او ۱۷ یاشر دیر و اسمینی عرفان دیهدی. ۱۱-صنف اوقووچیسی بولگن عرفاننینگ ایتیشیچه، هر کونی توش ساعت ۱۲دن کیچه ساعت ۸ گچه، کابلنینگ شهرنو منطقهسیدهگی سرکلرده گل ساتیش بیلن مصروف دیر. «مکتب گه بارهمن و مکتبدن کیین ساعت ۱۲دن کیچه ساعت ۸ گچه، بو ییرده بولهمن. کونده ۷-۸ ته گل ساتهمن و ۲۰۰-۲۵۰ قالهدی که اویگه بیرهمن.»
بیزلرنینگ «ایکس» ترماغی ده هم تعقیب قیلینگ!
عرفاننینگ کوپهیتیریشیچه، عایله نیازلرینی تامینلش سبب، سرکلرده گل ساتیشگه مجبور بولگن. «۹ کیشیلیک بیر عایلهمیز. یالغیز مین ایشلهیمن. اقتصادیمیز یخشی ایمس. اویدهگی کته کیشیمن و ایشلمهسم بولمهیدی.»
هر کونی مکتبدن رخصت بولیشدن سونگ، توشدن آلدین ساعت ۱۱دن آخشم ساعت ۴ گچه سرکلرده گل ساتیش بیلن شغللنهدیگن اوقووچیلردن باشقه بیری ۱۵ یاشر محمدنینگ ایتیشیچه، بو ایشنی قیلیشگه مجبور بولگنی بیرحالده، اوتیب قیتهدیگن کیشیلرنینگ تحقیر قیلیشی، بو ایشنینگ چیدهشنی اونگه قیینلشتیرگن.
محمدنینگ قیینچیلیکلریدن باشقه بیری، بوش قول بیلن اویگه باریب، شونینگدیک عایلهسی تامانیدن هم تنقید و ملامتلیک بیلن روپهره بولیش دیر. «کوپ قیین که ایشله آلمسهک و بوش قول بیلن اویگه بارسهک، چونکه میگه عایلهم نیگه ایشلمهگنسین دیهدی. هر کیم کیلسه گل آلینگلر دیهمن و گل آلمهی و مینگه اوروشیب کیتهدیلر.»
عرفان و محمد کبی، باشقه بیر قطار اوقووچی او ییرده توختهب و حیات یوکینی یینگیللش مقصد سعیوحرکت قیلماقده.
بیزلرنینگ فیسبوک صحیفهمیزگه باش اورینگ!
مذکور اوقووچیلردن باشقه بیری تورتینچی صنف اوقووچیسی بولمیش، ۱۱ یاشر طوفان، ایرتهلب ساعت ۱۰دن سرکلرده توختهب و یاشیدن کوپراق بولگن مسئولیتنی اوزی بیلن تاشیماقده. او بیش کیشیلیک عایله نیازلرینی تامینلش مقصد، آتهسی یانیده سعیوحرکت قیلهدی. «مجبورمیز، بیراق اویده هم هیچ نرسهمیز یوق. بوگون هم هیچ نرسه تاپیلمهیدی. قلم و کتابچهم هم یوق. اوی گه هیچ بیر نرسه ساتیب آلالمهیمن.»
حیاتلریدن بیر بولیمینی سرکلرده گل ساتیش بیلن اوتکزهدیگن اوقووچیلر، قیینچیلیکلری آرهسیده، کیلهجک توغریسیده ینه هم امیدلری بار. ییللردن بیری عایله نیازلرینی تامینلش یوکینی تاشیگن عرفاننینگ ایتیشیچه، بو وضعیتدن قوتقریلیش اوچون، یاشلرگه درآمد و کسب-کار اورگهنیش زمینهسی یرهتیلیشی کیرهک. «دولت گلساتیش و بوت رنگلش گه رخصت بیرمهیدی و سیزلر ایشلمهینگلر دیهدیلر. دولتدن بیزلرگه ایش زمینهسی یرهتیلیشینی ایستهیمن که بیران کسب-کار نی اورگنهیلیک.»
