بو ییل کوچلی یاغینگرچیلیکلر و کیتمهکیت موسومی بوران، آسیا جنوبینینگ تورلی بولیملریده سوو تاشقینلرگه سبب بولیب و بیر هفته ایچیده، کمیده بیر مینگ ۲۰۰ کیشی قربان بولگن.
گاردیننینگ بوگون (۱۲-قوس، چهارشنبه)، گزارش بیریشیچه، آسیا جنوبیده جایلشگن مملکتلرده یوز بیرگن کوچلی یاغینگرچیلیکلر و سوو تاشقینلر، بیر میلیوندن آرتیق کیشینینگ آواره بولیشیگه سبب بولگن.
اندونزیا ده اوشبو طبیعی واقعه طفیلی اولگنلر سانی، ۷۰۰ دن آرتیق کیشیگه ییتیشیب و خوف آستیده بولگن منطقهلرنینگ بوشهتیلیشی دوام قیلماقده. محلی رسمیلر، یوقالگن کیشیلرنینگ اختریش عملیاتی دوام قیلیشینی بیان قیلیب و شونینگدیک تلفات رقمی آشیشی احتمالیدن آگاهلنتیرگنلر.
سوو تاشقینلر و ییر سیلجیشی اندونزیانینگ نیچه ولایتیده بیر قطار قیشلاقلرنینگ بوتونلی خراب بولیشیگه سبب بولگن. شونینگدیک علاقهلر کیسیلگنی و برق ترماغیده قیینچیلیک، یاردم بیریش و اختریش عملیاتینی قیینچیلیک بیلن روپهره قیلگن.
موسومی کوچلی یاغینگرچیلیکلر، باشقه بیر قطار مملکتلر جملهدن تایلند و سریلانکا ده هم زیانلرگه سبب بولگن. شونینگدیک مینگلب کیلومتر یول و یوزلب یشش اوینی بوزیب یا-ده غیرفعال قیلگن. نیچه مملکتده محلی رسمیلرنینگ آگاهلنیتریشیچه، یاغینگرچیلیکلر دوامی بیلن قربانلر سانینینگ کوپهیش احتمالی بار.
