ننگرهارنینگ بیر نیچه تومنیده یوز بیرگن کوچلی یاغینگرچیلیکلر و سوو تاشقینی نتیجهسیده، ۵ کیشی اولیب و سکیز کیشی یرهلنگن.
ننگرهار معلومات و مدنیت ریاستی اطلاعات آمری صدیقالله قریشینینگ بوگون (۸-سنبله، شنبه)، ایتیشیچه، رودات، هسکهمینه و چپرهار تومنلریده یوز بیرگن سوو تاشقینلر، جانی و مالی زیانلرگه سبب بولگن.
دستلبکی تیکشیریشلر اساسیده، بو واقعهده ۱۳ کیشی اولیب و یرهلنگن.
بیزلرنینگ فیسبوک صحیفهمیزگه باش اورینگ!
صدیقالله قریشیگه کوره، سوو تاشقینلر نتیجهسیده یوزلب جریب ایکینچیلیک ییر، قتناو یوللر و بیر قطار سوو توغانلری بوزیلگن.
اسلام امیرلیگی ترانسپورت و هوا یوللری وزیرلیگینینگ هواشناسلیک ریاستی، مملکتنینگ ۱۰ ولایتیده احتمالی کوچلی یامغیر یاغیب، چقماق، شمال، چنگ و توپهلنگ همده سوو تاشقینی یوز بیریشیدن آگاهلنتیرگن.
مذکور احتمال، بوگون (۸-سنبله، شنبه)، نورستان، ننگرهار، کنر، لغمان، کاپیسا، پنجشیر، لوگر، خوست، پکتیا و پکتیکا ولایتلریده بار.
