کاپیسا ولایتی نجراب تومنی ولسوالی عطاالله نعمتنینگ ایتیشیچه، اوتگن کونی توشدن کیین (۲۲-سرطان، یکشنبه)، اوشبو تومننینگ بیر قطار قیشلاقلریده یوز بیرگن سوو تاشقینی، بیر کیشینینگ اولیمی و باشقه بیر قطار مالی زیان گه سبب بولگن.
نعمتنینگ کوپهیتیریشیچه، نجراب تومنی «ویشار» قیشلاغیده سوو تاشقینی یوز بیرگنی نتیجهسیده، ۲۲ یاشر شفیقه اسملی بیر قیز هلاک بولگن.
بیزلرنینگ فیسبوک صحیفهمیزگه باش اورینگ!
شوندهی بیرحالده، پنجشیر ولایتی رخه تومنیده یوز بیرگن کوچلی یاغینگرچیلیکلر طفیلی سوو تاشقینی یوز بیرگن که نتیجهده، نیچه یشش اوی ویران بولیب و دهقانلرگه هم زیان ییتیشگن.
پنجشیر طبیعی حادثهلرگه قرشی کورهش باشلیغی محبالله جاهدنینگ ایتیشیچه، رخه تومنیده یوز بیرگن سوو تاشقینی نتیجهسیده، اوچ ته یشش اوی بوتونلی و باشقه ییتی ته یشش اوی ایسه قسمی شکلده ویران بولگن.
بیزلرنینگ «ایکس» ترماغی ده هم تعقیب قیلینگ!
جاهدگه کوره، سوو تاشقینلر یوز بیرگنی طفیلی ایکی دکان، بیر مکتب، اونلب جریب ایکینچیلیک ییر وآلتی ته سووغاریش کانال هم بوزیلگن.
