تخار ولایتی محلی مسئوللری، اوشبو ولایت ده سوو تاشقینی عاقبتیده ۲۰ کیشی هلاک بولیب و باشقه ۱۵ کیشی لادرک همده اونلب قیشلاق بوزیلگنینی تصدیقله‌یدیلر.
بیزلرنینگ فیسبوک صحیفه‌میزگه باش اورینگ!
تخار ولایتی طبیعی آفت‌لرنی باشقریش ایشلری بوییچه باشلیغی احمدسیر ساجد، بو ولایت نینگ مرکزی و تومن‌لریده کوچلی یامغیر یاغیب و سوو تاشقینی عاقبتیده کمیده ۲۰ کیشی هلاک بولگنینی معلوم قیله‌دی.
ساجد جنابلری گه کوره، اوشبو سوو تاشقین‌لری عاقبتیده اونلب یشش اوی و یوزلب ایکینچیلیک ییر بوزیلگن.
بیزلرنینگ «ایکس» ترماغی ده هم تعقیب قیلینگ!
تخار طبیعی آفت‌لرنی باشقریش ایشلری بوییچه باشلیغی نینگ کوپه‌یتیرشیچه، چال، اشکمش، نمک‌آب و فرخار تومن‌لریده سوو تاشقین‌لری یشاوچیلر گه آغیر زیان یېتکیزگن.
عین‌حالده، تخار قیزیل آی جمعیتی خادم‌لری، مذکور ولایت نینگ فرخار تومنی «مشتان» قیشلاغیده سوو تاشقین‌لری عاقبتیده ۱۵ کیشی نینگ لادرک بولگنیدن خبر بیرگنلر.
