غور ولایتی مرکزی فیروزکوه شهرینینگ شرقیده جایلشگن «پشتهگامورک» منطقهسیدهگی سوو تاشقینلر طفیلی بیجا بولگنلردن قطاریگه کوره، بیجا بولگنلریدن ایکی ییل اوتگچ، حاضرگچه اساسی امکانیتلر و خذمتلردن فایدهلنه آلمهیدیلر.
آلتی کیشیلیک بیر عایله سرپرستی بولگن ۳۲ یاشر نوروزگلنینگ ایتیشیچه، بو شهرده اولر اوچون قوریلگن باشپنهدن تشقری، حیاتنینگ باشقه دستلبکی امکانیتلریدن محروم بولیب و کوپینچه قیینچیلیکلر بیلن روپهرهلر.
او، دولتی مسئوللر و یاردم بیرووچی نهادلردن، اولرنینگ وضعیتیگه اعتبار قرهتیب و قیینچیلیکلری حلی اوچون اقدام قیلیشلرینی سورهگن. «سوو تاشقینلر بیزلرنی مهاجر قیلدی، پشتهگامورک منطقهسی گه کیلدیم. دولت بو ییرده بیزلرگه اوی قوریب بیردی و باشقه هیچ یاردم بیرگنی یوق. اون، برق، آزیق-آوقت مادهلری و یاقیلغی مادهمیز یوق. دولتنینگ بیزلرگه یاردم بیریشی کیرهک که آچرچیلیک و هوا ساووقلیگیدن قوتقرهیلیک. بالهلردم برچهسی ناگران دیر.»
شونینگدیک پشتهگامورک منطقهسیدهگی سوو تاشقینلر طفیلی بیجا بولگنلردن باشقه بیر قطارینینگ ایتیشیچه، اوشبو شهرچهده قریب ۴۰۰ عایله حیات کیچیریب و اولردن برچهسی جدی قیینچیلیکلر بیلن روپهرهلر. اولرنینگ کوپهیتیریشیچه، ییترلی آزیق-آوقت، دوالنیش مرکزلری، ایچیملیک سوو و حیاتنینگ باشقه اساسی امکانیتلریدن محروم بولیب و دادخواهلیک قیلیش بیلن ینه هم اولرگه ییترلی یاردم بیریلمهگن.
بو منطقهدهگی سوو تاشقینلر نتیجهسیده بیجا بولگنلردن اجمد جلالینینگ ایتیشیچه: «اهالینینگ حاضر جدی قیینچیلیگی یاقیلغی مادهلر، آزیق-آوقت، مکتب و کلینیک یوقلیگی دیر. قیینچیلیکلر کوپ دیر؛ برق یوقلیگی قیینچیلیکلریمیزدن باشقه بیری بولیب و اهالیدن کوپ قطاری شمع و باترلی چراغلردن فایدهلنیش بیلن حیات کیچیرهدیلر.»
پشتهگامورک ده حیات کیچیرهدیگنلردن باشقه بیری گلاحمد، حیات وضعیتی یخشیلنیشی اوچون کوپراق یاردم بیریلیشینی سورهگن. «مسلمانلردن سوو، یاغاچ و نان توغریسیده بیزلرگه یاردم بیریشلرینی سورهیمیز. یاردم بیرمهگنلری صورتده، بالهلریمیزنینگ جبرلنیشی ممکن.»
غور ده طبیعی واقعهلر بیلن قرشی کورهش ریاستی مسئوللرینینگ ایتیشلریچه، یاردم بیرووچی نهادلر همکارلیگی بیلن، پشتهگامورک منطقهسیدهگی بیجا بولگنلرگه یاردم بیریش اوچون سعیوحرکت قیلماقدهلر.
غور طبیعی واقعهلر بیلن قرشی کورهش ادارهسی باشلیغی عبدالسلام عمرنینگ ایتیشیچه: «سوو تاشقینلر سبب، بیجا بولیب و فیروزکوه مرکزیگه بارگن مهاجرلرگه، دولت آرقهلی یشش محل یرهتیلگن. مستحق عایلهلر تانیلیب و اولرگه باشپنه قوریلدی. حاضر امارتی بولمهگن موسسهلر و حکومتی یاردملر آرقهلی کوپینچه یاردم ییغیلیب و اهالیگه ییتیشیشی اوچون سعیوحرکت قیلماقدهمیز؛ چونکه اولر حقیقتا نیازمند و مستحق دیر.»
فیروزکوه شهریده جایلشگن پشتهگامورک منطقهسیدهگی بیجا بولگنلرنینگ ایتیشلریچه، بو محلدهگی قریب ۴۰۰ عایلهدن، یالغیز ۱۳۷ عایله گه دولت و بیر قطار نهادلر آرقهلی باشپنه قوریلیب و باشقه بیر قطاری ایسه حاضرگچه خیمهلرده تیریکچیلیک قیلماقده.
