ویتنام اطراف محیط وزیرلیگینینگ بوگون (۲-قوس، یکشنبه)، اعلام قیلیشیچه، بو مملکتده یوز بیرگن سوو تاشقینلر نتیجهسیده، ۹۰ کیشی اولیب و باشقه ۱۲ کیشی یوقالگن.
ویتنام مرکزی و جنوبی منطقهلریده اکتبر آیینینگ سونگی کونلریدن بویان دوام قیله یاتگن یاغینگرچیلیکلر، مذکور مملکتنینگ مشهور سیاحتچیلیک حدودلریده بیر نیچه بار سوو تاشقینیگه سبب بولگن.
بیزلرنینگ «ایکس» ترماغی ده هم تعقیب قیلینگ!
ویتنامنینگ مرکزی حدودلریدن قطاریده یاغینگرچیلیک میزانی اوتگن هفته ۱۹۰۰ ملیمتردن آشگن.
ویتنام اطراف محیط وزیرلیگیگه کوره، ۱۶-نوامبردن حاضرگچه اونلب مینگ اوی سوو آستیده قالگن تاغلی «دک لَک» ولایتیده، ۶۰ دن آرتیق کیشینینگ قربان بولگنی ثبت بولگن.
ویتنامنینگ آفتلر بوییچه مدیریت آژانسی، بوندن آلدین سوو تاشقینلر نتیجهسیده ۲۳۵ مینگدن آرتیق اوی و قریب ۸۰ مینگ هکتار ایکینچیلیک ییرنینگ زیان کورگنینی معلوم قیلگن ایدی.
بیزلرنینگ فیسبوک صحیفهمیزگه باش اورینگ!
دولت آرقهلی بیریلگن معلومات گه کوره، سوو تاشقینلر حاضرگچه بو مملکت اقتصادیگه قریب ۸.۹۸ تریلیون دونگ (۳۴۱ میلیون دالر)، زیان ییتیشتیرگن.
ویتنام، بعضا جون دن سپتمبر آیلری آرهسیده، کوچلی یاغینگرچیلیککه شاهد بولهدی؛ بیراق علمی دلیللرگه کوره، انسانی فعالیتلر طفیلی هوا اوزگریشلری، کوچلی هوا عاقبتلری یوز بیریشینی کوپراق و یامانراق قیلگن.
