ایچکی ایشلر وزیرلیگی نینگ اعلان قیلیشیچه، کابل شهریده ۱۴ راکت اصابت قیلگنی سبب، ۸ کیشی هلاک و باشقه ۳۱ کیشی یره‌لنگن.
بیراق، ساغلیق‌نی سقلش وزیرلیگی نینگ ایتیشیچه، حاضرگه‌قدر ۵ جسد و ۲۱ یره‌دار کیشی کسلخانه‌لرگه انتقال بیریلگن.
ایچکی ایشلر وزیرلیگی سوزلاوچیسی طارق آرین نینگ فیسبوک صحیفه‌سیده یازیشیچه، اوشبو راکت‌لردن بیرقطاری مسکونی اوی‌لرگه توشگن.
اونینگ ایتیشیچه، مذکور راکت‌لر چهارقلعه، طاهری کوچه‌سی، نعمت پلازا، سلام بیلیم یورتی نینگ یقین‌نی، گل‌سرخ تورت یولی، صدارت تورت یولی، پل باغ عمومی، سپین‌زر جاده‌سی، ملی آرشیف یقین‌نی و پنج‌صد فامیلی‌گه توشگن.
حاضرگه‌قدر هیچ‌بیر گروه بو واقعه مسوولیتی‌نی بوینیگه آلمه‌گن.
طالبان سوزلاوچیسی ذبیح‌الله مجاهد، کابل شهریده اویوشتیریلگن راکتی هجوم‌گه بو گروه نینگ قولی یوقلیگی نی بیلدیرگن.