اسرائیل اردوسی تامانیدن غزه قمراو گه آلینیش دوامی و انسان سیورلیک یاردملر گه رخصت بیریلمسلیگی سببلی، ۲۴ ساعت ایچیده آچلیک سبب «بیش» کیشی جملهدن «ایکّی» باله وفات ایتگن.
تورکیه آنادولو یېتکرمهسی، ۱۵-اسد، چهارشنبه کونی بیر گزارش ترقهتیب بو حقده خبر بیرگن.
بیزلرنینگ فیسبوک صحیفهمیزگه باش اورینگ!
غزهده فلسطین ساغلیقنی سقلش وزیرلیگی باش مدیری منیر البرش، بو منطقه اسرائیل حربی کوچلری تامانیدن قمراوگه آلینیشی و آچرچیلیک باعث اوتگن ۲۴ ساعت ایچیده بیش کیشی جملهدن ایکی باله وفات ایتگنلرینی معلوم قیلگن.
اونینگ کوپهیتیریشیچه، غزهده توییب آوقتلنمسلیک و آچلیک طفیلی حاضرگه قدر ۱۹۳ کیشی جملهدن ۹۶ باله وفات ایتگن.
بیزلرنینگ «ایکس» ترماغی ده هم تعقیب قیلینگ!
میلادی ۲۰۲۳-ییل، ۷-اکتوبرده غزهده حماس و اسرائیل اورتهسیده باشلنگن اوروش گه چېک قوییش اوچون خلقارا برچه سعی-حرکتلر حاضرگه قدر نتیجه بیرمهگن و بو منطقه یشاوچیلری کوپینچه قیینچیلیک اینیقسه آزیق-آوقت، سوو و دارو تنقیصلیگی بیلن روپهره بولگنلر.
اسرائیل اردوسینینگ ییر و هوا هجوملری یانیده، آچرچیلیک غزه یشاوچیلریدن همان قربانلیک آلماقده.
