سرپرست حکومت ملی مدافعه وزیرلیگی رسمی‌لری بوگون ( ۷-سنبله، چهارشنبه) اوشبو اداره نینگ بیر ییل‌لیک یوتوق‌لرینی یېتکرمه‌لر بیلن شریک قیلدی.
اولر نینگ معلوماتی اساسیده، ملی مدافعه وزیرلیگی اۉتگن بیر ییلده قۉشنی مملکت‌لر بیلن ۱۳ هماهنگ‌لیک مرکز قورگن و حاضرگی کونده اوشبو مرکزلردن بیشته‌سی فعال دیر.
اۉتگن ییلده ملی مدافعه وزیرلیگی حربی کوچلری ۸۱۳ مینگ دن آرتیق اوپراسیونی عملیات اۉتکزگن که نتیجه ده ۵۸۸ یینگیل قورال و ۶۰ آغیر قورال تاپیلگن و بیر مینگ ۳۸۳ ماین یوق اېتیلگن.
بیزلرنینگ فیسبوک صحیفه‌میزگه باش اورینگ!
سرپرست حکومت اردو باشلیغی فصیح‌الدین فطرت نینگ ایتیشیچه: «اردو کوچلری مملکت ییتّی زونیده خوفسیزلیک، گزمه، چک‌پاینت، تلاشی و تازه‌لش عملیات کبی ۸۱۳ مینگ ۳۵۲ اوپراسیونی عملیات اۉتکزگن.»
اوشبو ییغیلیشده، اسلام امیرلیگی اردو باشلیغی افغانستان توپراغیده عصیانچی گروه‌لر نینگ حضوری خصوصیده قطار مملکت‌لر اینیقسه پاکستان نینگ خواطرلری و افغانستان هوا حریمی نقض اېتیلیشی گه دایر سوراق‌لر گه جواب قیتردی.
فصیح‌الدین فطرت، پاکستان نینک خواطرلرینی اساس‌سیز دیب و بو مملکت حاضرگه قدر افغانستانده پاکستان‌لیک طالبلر تحریکی حضوری حقیده مدرک اوزه‌تمه‌گنینی اېته‌دی.
بیزلرنینگ «ایکس» ترماغی ده هم تعقیب قیلینگ!
بونگه قۉشیمچه، سرپرست حکومت اردو باشلیغی هېچ بیر مملکتدن آت توتمسه ده بیراق افغانستان هوا حریمی نقض اېتیلیشی اونگی آلینیشی اوچون دیپلماتیک یولی آرقه‌لی سعی-حرکت قیلماقده‌لیک‌لرینی معلوم قیله‌دی.
اسلام امیرلیگی، افغانستان هوا حریمینی قولگه آلیش مقصدیده سعی-حرکت قیلماقده دیېدی، سرپرست حکومت اردو باشلیغی فصیح‌الدین فطرت.
اونینگ کوپه‌یتیریشیچه: «اۉتگن ییللرده کوپراق هوا حریمی نقض بولدی بو معما حل اېتیلیشی اوچون دیپلماتیک یوللر آرقه‌لی سعی-حرکت بولماقده. مدافعه وزیرلیگی یقینده هوا حریمینی قولگه آلیش اوچون تلاش قیلماقده دیر.»
باشقه تاماندن، سرپرست حکومت مدافعه وزیرلیگی رسمی‌لری، حربی کوچلر قۉللب-قوتلنیشی و جهازلنیشیدن ایشانچ بیلدیریب، حربی کوچلر نینگ زمانه‌وی جهازلر بیلن تأمینلش اوچون اۉتگن بیر ییلده ۱۶۵ شرطنامه امضاله‌گنلرینی اېته‌دیلر.
مذکور وزیرلیک رسمی‌لری گه کوره، محاربوی فعالیت‌لر کمه‌یشی بیلن تینچ اهالی نینگ تلفاتی صفر گه یقینله‌گن.
مدافعه وزیرلیگی نینگ پالیسی و استراتیژیک معینی محمدقاسم فرید نینگ ایتیشیچه: «افغانستان فتح اېتیلیشی بیلن اولکه بویلب امنیت تأمینلیب و محاربوی فعالیت‌لر کمه‌یشی بیلن سیزیلرلی درجه ده تینچ اهالی نینگ تلفاتی صفر گه یقینله‌گن.»
مدافعه وزیرلیگی مسئوللری، اردو نینگ قۉللب-قوتلش اوچون زمانه‌وی قورال-اوسکونه‌لرنی چیت‌ایل مملکت‌لردن آلیب کېلیش گه قرار قیلگنلرینی معلوم قیله‌دیلر.
