سوریه اردوسی، بو مملکت شمالشرقیده جایلشگن الشدادی شهریدهگی قماقخانهدن داعش گروهی اعضالریدن قطارینینگ قاچگنیدن خبر بیرگن؛ لیکن قاچگن کیشیلر سانینی معلوم قیلمهگن.
الجزیره خبری ترماغینینگ بوگون (۳۰-جدی/ ۲۰-جنوری، سهشنبه)، گزارش بیریشیچه، سوریه اردوسی الشدادی شهری نظارتینی قولگه کیلتیرگن.
سوریه اردوسیگه کوره، قاچگن کیشیلرنی قولگه آلیش اوچون اختریش عملیاتی باشلهنیب و شونینگدیک داعش گه تیگیشلی جنایتچیلر سقلنهدیگن جای، «العکتان» قماقخانهسی نظارتی هم دولتی کوچلر اختیاریگه اوتگن.
شوندهی بیرحالده، سوریه دمکراتیک کوچلرینینگ اعلام قیلیشیچه، اردو هجومی عاقبتیده قماقخانه نظارتینی قولدن بیریب و توقنشوولر جریانیده، کوچلریدن ۹ تهسی اولیب و باشقه ۲۰ تهسی یرهلنگن.
مذکور واقعه، سونگی پیتلرده سوریه دولتی و دمکراتیک کوچلری آتیش کیسین و بیر قطار منطقهلردن مذکور کوچلرنینگ چیکلنیشی توغریسیده کیلیشگنلری بیرحالده، یوز بیرگن.
