۲۶ دلو، سابق ساویت اتفاقی قوشینلرینینگ افغانستاندن چیقیشی ۳۷ ییلیگه تینگ.
سابق ساویت اتفاقی قوشینلری (شوروی)، ۳۷ ییل اول عینن شو کونی، ۹ ییل افغانستانده بولگنیدن سونگ، بو مملکتنی ترک ایتدی.
اوشبو اتفاق قوشینلری، قویاش ۱۳۶۷ ییلی افغانستان یشاوچیلرینینگ ییللر بویلب کورهشیش نتیجهسیده، نهایت بو مملکتنی ترک ایتیشگه مجبور بولدی.
اسلام امیرلیگی اوشبو مناسبت بیلن، بوکوننی مملکت بویلب عمومی دمآلیش کونی اعلان قیلگن.
بو اوروش افغانستانلیکلردن کوپینچه قربانلیک آلدی. تورلی منبعلر گه کوره، قریب ایکی میلیون تینچ اهالی هلاک بولگن، شونینگدیک، تخمیناً ییتی میلیون افغانستانلیک اوز اوی-جایلرینی ترک ایتیشگه یا کی قاچقینلیک حیاتینی تنلش گه مجبور بولگن.
بو اوروشنینگ ایلدیزلری ۱۹۷۸ ییل واقعهلریگه باریب تقیلهدی؛ اوشه پیتده ثور انقلابی نتیجهسیده مملکتنینگ سیاسی تیزیمی اوزگرگن ایدی، ینگی حاکمیتنینگ کیسکین اصلاحاتلریدن سونگ افغانستانده کینگ کولملی اوروشلر باشلندی و ۱۹۷۹ ییلده خارجی قوشینلر مملکت گه کیریب کیلدی.
قریب ۹ ییللیک اوروشدن سونگ، ۱۹۸۸ ییل می آییده ساویت اتفاقی قوشینلرینینگ آلیب چیقیلیشی باشلندی و بو جریان ۱۹۸۹ ییل فبروریگه قدر تولیق یکونلندی.
۱۵ فبروری، افغانستان خلقی اوچون فقط اوروش یکونلنگن کون ایمس، بلکی فداکارلیک، صبر-طاقت، قرشیلیک و آزادلیک یولیده آلیب باریلگن اوزاق کورهشنینگ رمزی بولیب، مملکت تاریخی صحیفهلریده فخر بیلن قید ایتیلگن.
