فاریاب ولایتی ترافیک اداره‌سی نینگ حادثه‌لر بوییچه آمری احمدفهیم کوهی گه کوره، اوتگن کیچه ساعت ۰۸:۰۰ اطرافیده، اوشبو ولایت مرکزی میمنه شهری‌ده ترافیکی حادثه یوز بیرگن.
بیزلرنینگ «ایکس» ترماغی ده هم تعقیب قیلینگ!
جناب کوهی نینگ ایتیشیچه، میمنه شهری نینگ بیرینچی ناحیه اطرافیده یوز بیرگن اوشبو حادثه نتیجه‌سیده، ایکی کیشی اولیب و ایکی کیشی ایسه یره‌لنگن.
فاریاب ولایتی ترافیک اداره‌سی حادثه‌لر بوییچه آمری نینگ ایتیشیچه، مذکور حادثه ایکی موترسایکل نینگ توقنشگنی نتیجه‌سیده یوز بیرگن.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، سونگی کونلر مملکت نینگ قطار ولایت‌لریده ترافیکی حادثه‌لر کوپه‌یگن و هیداوچیلر نینگ احتیاط‌سیزلیگی و اولر آرقه‌لی ترافیکی قانون‌لر نینگ رعایت ایتیلمه‌سلیگی، ترافیکی حادثه‌لر نینگ یوز بیریشی گه سبب بولیب و یشاوچیلردن قربان‌لیک آله‌دی.
