فاریاب ولایتی پشتونکوت تومنیده محلی منبعلر، اوشبو تومنده بیر ایرکک نینگ آتیب اولدیریلگنیدن خبر بیرگنلر.
فاریاب امنیه قوماندانلیگی نینگ جنایی جرملر گه قرشی کورهش عمومی مدیری محمداسماعیل فرقانی مذکور خبر نی تصدیقلب ایتیشیچه، اوشبو واقعه اوتگن کیچه مذکور ولایت پشتونکوت تومنی نینگ «چقماق» قیشلاغیده، اولگن کیشی نینگ اوز اوییده یوز بیرگن.
بیزلرنینگ «ایکس» ترماغی ده هم تعقیب قیلینگ!
جناب فرقانی نینگ کوپهیتیریشیچه، تورت ناتانیش قوراللی کیشی آرقهلی اوققه توتیلگن غلام سخی اسملی مذکور ایرکک، کسلخانه گه انتقال بیریلگنیدن کیین کوپراق جراحت کوتارگنی سبب جان بیرگن.
فاریاب امنیه قوماندانلیگی نینگ جنایی جرملر گه قرشی کورهش عمومی مدیری گه کوره، قاتللر بو واقعهدن کیین ساحهدن قاچگنلر و اولر نینگ قولگه آلینیشی اوچون خوفسیزلیک کوچلری نینگ سعیوحرکتی باشلنگن.