فاریاب ده عسل اری‌چیلری دن بیرقطاری نینگ ایتیشلریچه، قورغاقچیلیک و نباتی آفت‌لر طفیلی اوشبو ییل عسل ییتیشتیریش کمه‌یشی بیلن روپه‌ره بولگنلر. اولر گه کوره، فاریاب عسلی خارجی عسل‌لر و باشقه ولایت‌لر نینگ عسل‌لری گه قره‌گنده تاتلی و صفتی یخشی دیر، بیراق بازار یوق‌لیگی و حکومت تامانیدن حمایت بولمسلیک‌لری باعث، اوشبو محصول اوستیگه سلبی تأثیر قیلگن.
مذکور اریچیلر گه کوره، قوشنی اولکه‌لردن ساخته عسل‌لر وارد ایتیلیشی و ایچکی اریچیلر نینگ پروسس قیلیش امکانیت‌لری یوق‌لیگی، اریچیلر نینگ قیینچیلیک‌لریدن سنه‌لیب ایکینچیلیک ریاستی وباشقه نهادلر اولر نینگ بو قیینچیلیگی حلی اوچون حاضرگچه دقت قیلیشمه‌گن.
اولر محلی و مرکزی مسئوللردن، عسل اری‌چیلرینی قوللب_قوتلب و اولر اوز محصولات‌لرینی چیت ایل مملکت‌لر گه صادر قیلیش و تولیدلرینی کوپه‌یتیریش اوچون محصول‌لری گه مناسب بازار قیدیریش‌لرینی طلب قیله‌دیلر.
فاریاب ده اری‌چیلردن بیری نینگ مسئولی پیرمحمد گه کوره، اوتگن ییلی ۲۰۰ کیلو عسل تولید قیلگن ایدی، بیراق بو ییل اری‌لری تلف بولیب و ۸۰ کیلو عسل تولید قیله آلمه‌گن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه، ۲۶ ته صندیغ اری‌سی بار، بیراق اوتگن ییل قیش ساووق‌لیگی باعث ۲۳ صندیغ اری‌سی تلف بولگن و حاضر اری‌لرینی ۷ صندیغ گه کوپه‌یتیریش گه اولگورگن: «بو ییل قریب ۸۰ کیلو عسل آلدیم و تورت صندیغ نی کوپه‌یتیردیم، عین‌حالده اوتگن ییلی قریب ۲۰۰ کیلو عسل تولید قیلگن ایدیم، سودا آز دیر یشاوچیلر اونچه‌لیک ساتیب آلمه‌یدی، قوشنی اولکه‌لردن ساخته عسل‌لر وارد ایتیله‌دی. امکانیتیمیز یوق، حکومت دن بیزنی قوللب_قوتلشینی طلب قیله‌میز.»
اوچ ییل دن بیری اری‌چیلیک قیلیب کیلگن سیدفضل احمد نینگ ایتیشیچه، ۲۰ صندیغ اری‌سی بولیب و اوتگن ییل ده قریب ۱۰۰ کیلو عسل آلگن ایدی، بیراق بو ییل قریب ۶۰ کیلو عسل تولید قیلگن.
اونگه کوره، بیر کیلو طبیعی خالص عسل، او نینگ چیچک‌لری تفاوتی بیلن ۶۰۰ دن ۱۵۰۰ افغانی گچه ساتیله‌دی: «اقتصادیم یخشی ایمس، حکومت حمایت قیلیب بیز گه صندیغ یا که موم یاردم بیرسه، بیر ییل ده ۱۵۰ صندیغ اری نی کوپه‌یتیریب و تولیدلرنی آشیریشیم ممکن.»
عین‌حالده، فاریاب ده عسل اری‌چیلری اتفاقی باشلیغی عبدالله امیری، قورغاقچیلیک و طبیعی آفت‌لرنی مذکور ولایت ده عسل تولیدی کمه‌یش اساسی عامل‌لریدن عنوان قیله‌دی.
امیری جنابلری گه کوره، اوتگن ییلی فاریاب ده اری‌چیلیک فارم‌لریدن بیر مینگ ۲۰۰ کیلو دن آرتیق عسل حاصل آلینگن ایدی، اوشبو ییل بو رقم قریب ۶۰۰ کیلو گه کمه‌یگن.
او مذکور ولایت ایکینچیلیک ریاستی مسئوللری نینگ بی‌فرق‌لیگیدن تنقید قیلیب ایتیشیچه، اری‌چیلیک نی اورگه‌تیش، دارو و صندیغ آزلیگی ساحه‌سیده فاریاب اری‌چیلری گه یاردم کورسه تیلمه‌گن: «قورغاقچیلیک طفیلی بو ییل عسل تولیدی ۵۰ فایز گه کمه‌یگن. قورغاقچیلیک و هوا ساووق‌لیگی اری‌لرنی ضعیف قیلگن، امریکایی لوک کسل‌لیگی، بیر تور کنه و گاوزنبورلر نینگ هجومی باعث، اریچیلر یخشی عسل آلیش‌آلمه‌گن.»
بیزلرنینگ توییترده هم تعقیب قیلینگ!
فاریاب ولایتی ایکینچیلیک ریاستی مسئوللری، اوشبو ولایت ده عسل تولیدی اوتگن ییل گه قره‌گنده سیزیلرلی درجه ده کمه‌یگن.
فاریاب ولایتی ایکینچیلیک، سوغاریش و چاروه‌چیلیک ریاستی نینگ فارم‌لر بوییچه مدیری سیدظاهر نینگ ایتیشیچه، اوشبو ولایت ده سونگی نیچه ییل ده اری‌چیلیک کوپه‌یب و مذکور اداره ده ۱۸ ته عسل اری‌چیلیگی ثبت ایتیلگن و اوشبو فارم‌لرده‌گی ۲۲۶ ته صندیغ گه عسل اری‌سی موجود دیر.
او، قورغاقچیلیک، طبیعی آفت‌لر و مسلک‌سیزلیک نی اوشبو ولایت ده عسل ییتیشتیریش کمه‌یش عاملی عنوان قیله‌دی.
او نینگ کوپه‌یتیریشیچه، ایچکی و خارجی نهادلر اویغون‌لیگی بیلن اوشبو صناعت نی رواجلنتیریش مقصدیده سعی‌وحرکت قیلماقده‌لر: «فاریاب ده اری‌چیلیک آز مدت ایچیده رواجلنگن، ایچکی و خارجی نهادلر اویغون‌لیگی بیلن عسل اری‌چیلیگینی رواجلنتیریش و اولرنی قوللب_قوتلش اوچون ایریم برنامه‌لریمیز بار.»
مذکور اتحادیه گه کوره، اوتگن ییل قیش ساووغی باعث اوشبو ولایت ده ۱۴۰ صندیغ عسل اری‌لری تلف بولگن.
فاریاب ده اری‌چیلیک اتفاقی مسئولی نینگ معلوماتی اساسیده، حاضرگی کونده مذکور ولایت ده قریب ۳۰ ته اری‌چیلیک فارمی موجود، اوشبو فارم‌لرده ۵۰۰ دن آرتیق صندیغ اری‌سی تربیه‌لنیب و هر ییلی اوچ مرته اوندن حاصل آلینه‌دی.
