فاریاب مرکزی میمنه شهریده جایلشگن امیر علی‌شیر نوایی مکتبی مسئوللری، مذکور مکتب نینگ یوزلب اوقووچیسی آره‌سیده بیرینچی مرته کانکور طرزیده اوزبیک تیلیده «سیرت» آتیده معلوماتی بیلله‌شوو یولگه قوییلگنینی معلوم قیله‌دیلر.
امیر علی‌شیر نوایی مکتبی استادلریدن بیری محمدعارف سواش، بوگون (۱۱-سنبله، یکشنبه) «سیرت» اسمی آستیده یولگه قوییلگن اوشبو بیلله‌شوودن مقصد، اوزبیکچه‌ده کتاب اوقیش فرهنگی رواجلنیشی و بو تیل‌ده بولگن کتابلر نینگ ترقه‌تیلیشی عنوان قیلگن.
بیزلرنینگ فیسبوک صحیفه‌میزگه باش اورینگ!
سواش جنابلری، مملکت بویلب مکتب و بیلیم یورت‌لرده اوزبیک تیلیده اوقیتیلیشینی تاکیدلشگه قوشیمچه، عالی اوقوو وزیرلیگیدن اوزبیک تیلی و ادبیاتینی باییتیش و رواجلنتیریش اوچون، اوزبیک تیلیده سوال‌لر نینگ کانکور سیناوی گه کیریتیلیشینی ایسته‌گن.
جناب سواش نینگ کوپه‌یتیریشیچه، بو بیلله‌شووده بیرینچی، ایکینچی و اوچینچی اورین گه ایگه بولگنلر گه اوشبو مکتب آرقه‌لی مکافات هم نظر گه آلینگن.
بیزلرنینگ «ایکس» ترماغی ده هم تعقیب قیلینگ!
مذکور رقابتی برنامه گه شرکت قیلگن اوقووچیلردن قطاری، بو کبی فرهنگی برنامه یولگه قوییلگنیدن خورسند‌لیک بیلدیریب و عالی اوقوو وزیرلیگی بیلن معارف وزیرلیگی مسئوللریدن، اوزبیک تیلی و ادبیاتینی رواجلنتیریش خصوصیده سعی‌وحرکت بولینیشی نی ایسته‌گنلر.
