فاریاب و سرپل ده محلی مسئوللر‌نینگ ایتیشلریچه، اوشبو ولایت‌لرده بیرلشگن ملتلر تشکیلاتی‌نینگ خلق‌ارا آزیق-آوقت دستوری آرقه‌لی، نیازمند و کمبغل توقیز مینگ ۹۴۹ عایله‌گه یاردم بیریلگن.
فاریاب اقتصاد ریاستی ییتکرمه‌لر بولیمی مسئولی محبوب‌الله ایل‌بیگی، مذکور ولایت مرکزی میمنه شهری و خانچهارباغ تومنی‌ده ییتی مینگ ۱۲ عایله‌گه نقد پول بیلن آزیق-آوقت محصولاتی ترقه‌تیلگنی‌نی بیان قیلگن.
بیزلرنینگ «ایکس» ترماغی ده هم تعقیب قیلینگ!
جناب ایل‌بیگی‌نینگ ایتیشیچه، بو یاردم‌لردن میمنه شهری‌ده تورت مینگ ۷۸۸ عایله‌گه نقد پول و خانچهارباغ تومنی‌ده ایسه ایکی مینگ ۲۲۴ عایله‌گه آزیق-آوقت محصولاتی ترقه‌تیلگن.
شونده‌ی بیرحالده، سرپل قیشلاقلرنی رواجلنتیریش و قیته قوریش ریاستی‌نینگ ییتکرمه‌لر بولیمی مسئولی، مذکور ولایت صیاد تومنی‌ده ایکی مینگ ۹۳۷ عایله‌گه آزیق-آوقت محصولاتی ترقه‌تیلگنی‌نی ایتگن.
بیزلرنینگ فیسبوک صحیفه‌میزگه باش اورینگ!
فاریاب ولایتی خانچهارباغ تومنی بیلن سرپل ولایتی صیاد تومنی‌ده کورسه‌تیلگن یاردم‌لر اون، یاغ، دال‌نخود، توز و پلمپی‌دن عبارت دیر. شونینگدیک فاریاب ولایتی میمنه شهری‌ده کورسه‌تیلگن نقدی یاردم‌لردن، نیازمند عایله‌لردن هر بیریگه ۲۹۰۰ افغانی ترقه‌تیلگن.
