فاریاب مرکزی میمنه شهری گه قره‌شلی «نوآباد تورپاختو» منطقه‌سی یشاوچیلری دن بیرقطاری، اوشبو منطقه ده هیچ مکتب یوق و کوپ سانده باله‌لر تعلیم دن محروم بولگنینی معلوم قیله‌دیلر.
نوآباد تورپاختو یشاوچیلری گه کوره، حاضر ایسه مذکور منطقه‌ده بیرمینگ‌دن آرتیق عایله حیات کیچیرماقده. یشاوچیلری دن کوپینچه‌سی نی ایچکی آواره‌لر تشکیل بیرگن نوآباد تورپاختو منطقه‌سی یشاوچیلری نینگ ایتیشلریچه، قریب ۱۰ ییل‌دن بیری اوتگن اوروش‌لر و باله‌لری نینگ تعلیم‌دن محروم قالگنی سبب، میمنه شهری گه باش پناه ایزلب کیلگن‌لر؛ بیراق اوشبو شهر‌ده هم باله‌لری تعلیم دن محروم دیر.
بیزلرنینگ فیسبوک صحیفه‌میزگه باش اورینگ!
بو توغریده نوآباد تورپاختو منطقه‌سی یشاوچیلری دن بیری نجیب‌الله نینگ ایتیشیچه: «اوشبو یشاوچیلر المار و فاریاب نینگ باشقه بیر قطار تومن‌لری و قیشلاق‌لری دن بارگنلر. قنچه قیین‌چیلیک‌لر نی کوریب شهر گه کیلدیک که باله‌لریمیز تعلیم کورسین و اولر نینگ کیله‌جگی توزه‌لسین دیب، بیراق میمنه شهری نینگ اوچینچی ناحیه‌سیده، تعلیم و دستلبکی امکانیت‌لر یوق.»
شونینگدیک اوشبو منطقه یشاوچیلری دن باشقه بیری شمس‌الله نینگ ایتیشیچه: «اقتصادی قیین‌چیلیک‌لر سبب درس اوقی‌آلمه‌دیم چونکه ایشله‌دیک، بیراق باله‌لریمیز نینگ بیزلر کبی سواد‌سیز بولیشی نی ایستمه‌یمیز. باله‌لریمیز نینگ درس و تعلیم کوریشی اوچون هر قنچه سعی و حرکت قیلسک هم، بیراق قیغو بیلن منطقه‌‌میزده مکتب یوق و مکتب جوده‌یم اوزاق دیر. ایسیق هوا‌ده باره آلمه‌یدیلر.»
عین حالده، اوشبو ولایت معارف ریاستی مسئوللری، نوآباد تورپاختو منطقه‌سیده مکتب یوقلیگی نی قبول قیلیب، مذکور منطقه‌ده نیچه ینگی مکتب نینگ قوریلیشی خصوصیده سعی و حرکت‌لر و برنامه‌لری بارلیگی نی اَیتگنلر.
فاریاب ولایتی معارف رئیسی حفیظ‌الله معتصم بالله نینگ ایتیشیچه، اوشبو ریاست میمنه شهری یشاوچیلری نینگ نیازلری اساسیده، معارف وزیرلیگی گه ۴ ته باشلنغیچ مکتب نینگ قوریلیش بویروغی نی بیرگنلر، اوشبو مکتب‌لر دن بیری نوآباد تورپاختو ده قوریلیشی ممکن.
بیزلرنینگ «ایکس» ترماغی ده هم تعقیب قیلینگ!
جناب معتصم بالله نینگ کوپه‌یتیریشیچه: «البته بوندن آلدین معارف وزیرلیگی بیلن، مکتب‌دن اوزاق بولگن منطقه‌لر جمله‌دن دمقول، وزیرآبادغند ۳۵، قوروق ساری تورپاختو و نوآباد تورپاختو منطقه‌لری ده ۴ مکتب قوریش خصوصیده قرار آلدیک. محل یشاوچیلری دن بیزلر گه درخواست بیریشلری نی ایسته‌دیک، درخواستی‌لری کیلدی و بیزلر وزارت گه پیشنهاد بیردیک.»
فاریاب معارف باشلیغی، بو ولایت نینگ مکتبی بولمه‌گن برچه منطقه‌لری ده، مکتب قوریش مقصدیده سعی‌وحرکت قیله‌یاتگنلری دن ایشانچ بیره‌دی.
ایتیش کیره‌ک، نوآباد تورپاختو منطقه‌سی گه علاوه، فاریاب نینگ باشقه منطقه‌لری ده کوپ سانده باله‌لر تعلیم دن محروم دیر.
