فاریاب ده‌گی باغدارلردن بیرقطاری نینگ ایتیشلریچه، قهرتان قیش باعث اوتگن ییل گه نسبتن باغ‌لری نینگ حاصلی ۸۰ فایز گه کمه‌یب و اولر کوپ زیان کورگنلر. شونینگدیک اولر، اوشبو ولایت ده محصولات‌لرینی اسره‌ش اوچون ستندرد ساووقخانه و مناسب بازار یوق‌لیگیدن نالیب، مسئوللردن قیینچیلیک‌لری حلی اوچون دقت قیلیش‌لرینی سوره‌یدیلر.
فاریاب ده باغدارلردن شاه‌محمد گه کوره: «اوتگن ییل‌لرده درخت‌لر حاصلی یخشی ایدی؛ بیراق بو ییل ساووق اوردی. حاصلی‌میز آز و سودا یوق و قورغاقچیلیک باعث میوه‌لر کیچیک بولگن. بو ییل قهرتان قیش باعث باغ‌لر کوپ زیان کورگن.»
بیزلرنینگ فیسبوک صحیفه‌میزگه باش اورینگ!
فاریاب ولایتی خواجه‌سبزپوش تومنیده باغدارلردن عبدالاحد، باغ‌لری نینگ حاصلی کمه‌یشیدن خواطر بیلدیریب ایتیشیچه: «اوتگن ییل گه نسبتن کوپ سانده باغ‌لر آز حاصل بیرگن. کوپ ساووق‌لیک باعث باغ‌لر اونچه‌لیک حاصل بیرگن یوق و ینه بیر تاماندن قورغاقچیلیک؛ باغ‌لر حاصلی اوستیگه سلبی تأثیر قیلگن. بو ییل قریب ۶۰ فایز دهقان‌لر زیان کورگنلر.»
فاریاب مرکزی میمنه شهری ده میوه ساتووچیلردن عبدالصبور، مذکور ولایت ده باغ‌لر حاصلی کمه‌یشیدن نالیب ایتیشیچه، باغدارلر نی ایریم قیینچیلیک‌لر بیلن روپه‌ره قیلگن. او نینگ کوپه‌یتیریشیچه: «قیش ساووق‌لیگی باعث میوه حاصلی ضعیف بولیب و برچه میوه‌لرنی ساووق اورگن. شونی اوچون میوه‌لر قیمت بولگن. اوتگن ییلی بیر کیلوگرام قیصار آلمه‌سی، شفتالو و اوزوم ۴۰ و ۵۰ افغانی ایدی. بو ییل ۷۰ افغانی دن پس توشمه‌گن.»
فاریاب ایکینچیلیک، سوغاریش و چاروه‌چیلیک باشلیغی عزت‌الله نورانی، اوشبو ولایت ده باغ‌لر حاصلی کمه‌یشی و باغدارلر نینگ زیان کورگنینی تصدیقلب سلام‌وطندار گه ایتیشیچه، سابق حکومت زمانیده میمنه شهری ده کتته و ستندرد بیر ساووقخانه نینگ تمل تاشی قوییلگندی لیکن اولکه ده‌گی سونگی سیاسی اوزگریش‌لر باعث ایشی توخته‌دی، ایکینچیلیک، سوغاریش و چاروه‌چیلیک وزیرلیگی اویغون‌لیگی بیلن ایشینی قیته باشلش مقصدیده سعی‌وحرکت قیلماقده‌لر.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «قهرتان قیش باعث کوپ سانده باغ‌لر نینگ حاصلینی ساووق اورگن. بو توغریده نیچه مرته مرکز رسمی‌لری گه پیشنهاد قیلدیک، ایکینچیلیک وزیرلیگی دهقان‌لر، باغدارلر و حتا بو ییل ضرر کورگن چاروه‌چیلر گه یاردم بیریش وعده‌سینی بیرگن.»
میوه‌لرنی اسره‌ش اوچون ستندرد ساووقخانه و مناسب بازار یوق‌لیگی، فاریاب ده‌گی باغدارلر نینگ اساسی قیینچیلیک‌لریدن دییلگن.