فاریاب ده کسل‌دارلر و مراجعت قیلووچیلر نینگ ایتیشلریچه، نیچه ییل‌دن بویان، اوشبو ولایت نینگ ولایتی کسل‌خانه‌سی و ساغلیق مرکزلریدن قطاری‌ده نیازلری بولگن دارو نینگ یوقلیگی، طبی اوسکونه‌لر و مسلکی شفاکارلر کم‌لیگی و شونینگدیک طبی خذمت‌لر نینگ درست شکلده عرضه بولمه‌سلیگی سبب، قیین‌چیلیک بیلن روپه‌ره‌لر.
فاریاب ولایتی کسل‌خانه‌سی گه مراجعت قیلگن قیصار تومنی یشاوچیسی بولمیش عبدالعلی نینگ ایتیشیچه: «شفاکارلر، کسل‌لر نی درست شکلده معاینه قیلمه‌یدیلر، دارو بیرمه‌یدیلر، کیره‌ک بولگنی‌ده برچه دارو نی تشقری‌ده آله‌میز. اوشبو کسلخانه گه پولی بولمه‌گن و اقتصادی قیین‌چیلیگی بولگن کیشی‌لر مراجعت قیله‌دی که انه شوو سبب، کسل‌لر گه توجه بولینیشی نی ایسته‌یمیز.»
شونده‌ی بیرحالده، فاریاب ولایتی کسل‌خانه‌سی گه مراجعت قیلگن خال‌بی‌بی، اوشبو کسل‌خانه‌ده طبی خذمت‌لر نینگ درست شکلده عرضه بولمه‌یشی و دارو یوقلیگی خصوصیده خواطر بیلدیریب ایتیشیچه: «کسل‌لر بیلن درست شکلده رفتار قیلمه‌یدیلر. کسل‌خانه‌ده دارو یوق. تشقی‌دن دارو آلیش گه مجبور‌میز.»
عین حالده، فاریاب ولایتی کوهستان تومنی یشاوچیلری نینگ ایتیشلریچه، اقتصادی قیین‌چیلیک‌لر و اوشبو تومن یوللری نینگ بوزوق‌‌لیگی سبب، یشاوچیلی طبی خذمت‌لر گه قول تاپیش خصوصیده دایم قیین‌چیلیک‌لر بیلن روپه‌ره‌لر.
بیزلرنینگ توییترده هم تعقیب قیلینگ!
کوهستان تومنی یشاوچیسی غلام‌محمد نینگ ایتیشیچه: «کلینیک‌لر آرقه‌لی همکارلیک و امکانیت یوق. کسل‌لیگی جدی بولگن کسل‌لر نینگ درمان‌لنیشی ممکن ایمس. مذکور کسل نینگ شهر گه انتقال بیریلیشی صورت‌ده، اونینگ شانه‌لر اوستیده یا-ده آت‌‌ده انتقال بیریلیشی کیره‌ک. شونینگدیک کسل نینگ وقتی‌ده کسلخانه گه ییتیشتیریلمه‌گنی صورت‌ده، کسل نینگ وفات قیلیشی ممکن.»
باشقه بیر تامان‌دن، فاریاب ولایتی خواجه‌سبز‌پوش تومنی یشاوچیلری، اوشبو تومن کلینیک‌لریدن بیریده، طبی اوسکونه‌لر و دارو نینگ ییترلی بولمه‌گنی‌دن شکایت قیلیب مسئوللردن، اونی کسلخانه گه اوزگرتیریشلرینی ایسته‌گنلر. مذکور کلینیک گه قیزی نی درمان اوچون کیلتیرگن خواجه‌سبز‌پوش تومنی یشاوچیسی نورمحمد، حکومت‌دن اولر نینگ قیینچیلیکلری حل بولینیشی نی ایسته‌گنلر.
شونده‌ی بیرحالده، فاریاب ولایتی پشتونکوت تومنی یشاوچیلری نینگ ایتیشلریچه، ییل‌لردن بویان اوشبو ولایت‌ده طبی خذمت‌لر خصوصیده هیچ قنده‌ی توجه صورت تاپمه‌گن. اولر حکومت و یاردم بیرووچی موسسه‌لردن اهالی نینگ دستلبکی نیازلری و قیینچیلیکلری نینگ حل قیلینیشی نی ایسته‌گنلر.
پشتونکوت تومنی یشاوچیسی محمد‌‌داوود نینگ ایتیشیچه، مذکور تومن‌ده هیچ کلینیک یوق و اولر کسل‌لری نی اوشبو ولایت باشقه بولیم‌لریده‌گی ساغلیق مرکزلری گه انتقال بیریش گه مجبورلر.
شونینگدیک، فاریاب ولایتی اندخوی تورتله اولسوالیک‌لری یشاوچیلری نینگ ایتیشلریچه، اوشبو تومن‌ده‌گی کسل‌خانه‌لردن بیریده، بستر، طبی اوسکونه‌لر و دارو کم‌لیگی بیلن روپه‌ره‌لر. اندخوی تومنی یشاوچیسی حمید‌الله نینگ ایتیشیچه، مذکور کسلخانه کوپینچه کسل نینگ بستر قیلیش گه امکانیتی یوق دیر.
اونینگ کوپه‌یتیریشیچه: «اندخوی تومنی ۵۰۰ مینگ نفوس گه ایگه دیر؛ بیراق کسل‌خانه‌سی ۳۰ یاتاق‌لی دیر. اوشبو کسلخانه گه قوشنی تومن‌لردن هم کسل‌لر مراجعت قیله‌دیلر. اسلام امیر‌لیگی و ساغلیق نی سقلش مسئوللریدن مذکور کسلخانه نینگ ۱۰۰ یاتاق‌لی قیلیشلری نی ایسته‌گنلر.»
بیزلرنینگ فیسبوک صحیفه‌میزگه باش اورینگ!
عین حالده، فاریاب ساغلیق نی سقلش ریاستی سرپرستی ظاهرشاه جهاد‌مل، طبی خذمت‌لر خصوصیده کسل‌لر و مراجعت قیلووچیلر نینگ قیین‌چیلیگی نی تصدیق‌‌لب سلام‌وطندار گه ایتیشیچه، مراجعت قیلووچیلر و کسل‌لردن قطاری گه دارو بیریله‌دی؛ بیراق ساغلیق مرکزلرده بولمه‌گن دارو‌لر نی بازار‌دن آله‌دیلر.
اونینگ کوپه‌یتیریشیچه: «۵۶۵ متخصص عیال، شفاکار، نرس، قابله فاریاب ولایتی بویلب تورلی بولیم‌لرده فعالیت قیله‌دی؛ بیراق حاضرگچه ساغلیق بولیمی، عیال ساغلیق کادر جمله‌دن عدلی طب و التراسوند بولیمی‌ده قیین‌چیلیک‌لر بیلن روپه‌ره دیر.»
شونینگدیک فاریاب ساغلیق نی سقلش ریاستی سرپرستی نینگ ایتیشیچه، مذکور ولایت نینگ ولایتی کسلخانه قیین‌چیلیگی نی، ساغلیق نی سقلش وزیرلیگی بیلن جریان گه قویگنلر که، اوشبو کسلخانه گه ۳۰۰ یاتاق‌لی تشکیلات و امکانیت بیریلسین. «۳۰۰ یاتاق‌لی کسلخانه؛ بیراق ۱۰۰ یاتاق‌لی امکانیتی بار. بویوک‌لریمیز اوشبو قیین‌چیلیک‌لر نینگ تیکشیریلیشی خصوصیده سوز بیریب و مرکز و تومن‌لرده کسل‌لر قیین‌چیلیگی نینگ حل بولینیشی خصوصیده سعی و حرکت قیله‌دیلر.»
ایتیش کیره‌ک که، فاریاب ساغلیق مرکزلریده طبی خذمت‌لر نینگ درست شکلده عرضه بولمه‌یشی، متخصص عیال شفاکارلر کم‌لیگی و دارو یوقلیگی، دایم اوشبو ولایت یشاوچیلری نی قیین‌چیلیک‌لر بیلن روپه‌ره قیلگن.