اسلام امیرلیگی باش وزیری نینگ اداری اورین باسری عبدالسلام حنفی، فاریاب ولایتی دین عالملری، بویوک‌لری و آقسقاللری بیلن اوچره‌شگن.
ارگ، ۱۳-میزان، جمعه کونی ایکس صحیفه‌سیده بیر بیانیه ترقه‌تیب، اسلام امیرلیگی باش وزیری نینگ اداری اورین باسری عبدالسلام حنفی، فاریاب ولایتی دین عالملری، بویوک‌لری و آقسقاللری بیلن اوچره‌شگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
اوشبو اوچره‌شووده اولر، اسلام امیرلیگی باش وزیری نینگ اداری اورین باسریدن فاریاب ولایتی یشاوچیلری نینگ اجتماعی و اقتصادی قیینچیلیکلری حل اېتیلیشی اوچون دقت قیلینیشنی طلب قیلگنلر.
فاریاب ولایتی نینگ آقسقاللری، اوقیش، ساغلیق، ایش فرصت‌لری یره‌تیلشی و ترقیاتی لایحه‌لر عملگه آشیریلیشی اوستیگه تأکید اېتگنلر.
بو اوچره‌شوو، عبدالسلام حنفی، خوفسیزلیکنی تأمین ایتیش، ایش فرصت‌لرینی یره‌تیش و یشاوچیلر گه قولی‌لیک یره‌تیش نی اسلام امیرلیگی نینگ مسئولیت‌لریدن دیب و بوتوغریده سعی-حرکت قیله‌یاتگنلریدن ایشانچ بیرگن.
بیزلرنینگ «ایکس» ترماغی ده هم تعقیب قیلینگ!
بوندن آلدین، اسلام امیرلیگی باش وزیری نینگ اداری اورین باسری عبدالسلام حنفی، فاریاب ولایتی دین عالملریدن بیرقطاری بیلن اوچره‌شووده، بو ولایت محلی مسئوللریدن مکتب، مدرسه، ساغلیق مرکزلر و سوو توغانلری قوریلیشی اوچون دقت قیلیش‌لرینی سوره‌گن اېدی.
