فراه ده محلی مسئوللر، اوشبو ولایت پشتکوه تومنیده یوز بیرگن سوو تاشقینی نتیجهسیده، ۲۱ کیشی اولیب و بیش کیشی یرهلنگنیدن خبر بیرگنلر.
فراه طبیعی حادثهلرگه قرشی کورهش باشلیغی محمداسرائیل سیارنینگ سلاموطندار گه ایتیشیچه، اوشبو سوو تاشقینی بوگون (۷-حوت، سهشنبه)، توشدن کیین ساعت ۰۱:۰۰ اطرافیده یوز بیرگن.
بیزلرنینگ «ایکس» ترماغی ده هم تعقیب قیلینگ!
جناب سیارنینگ کوپهیتیریشیچه، مذکور کیشیلر اوچ عایله اعضاسیدن عبارت بولیب، دم آلیش مقصد پشتکوه تومنینینگ «کوجر» قیشلاغیگه بارگنلری چاغیده، یاغینگرچیلیک و سوو تاشقینی نتیجهسیده اولیب و یرهلنگنلر.
فراه طبیعی حادثهلر گه قرشی کورهش باشلیغیگه کوره، اولگن کیشیلر آرهسیده عیاللر و بالهلر هم شامل دیر.
بیزلرنینگ فیسبوک صحیفهمیزگه باش اورینگ!
اوتگن کونی سرپرست حکومت ترانسپورت و هوا یوللری وزیرلیگینینگ هواشناسلیک ریاستی، مملکت ۳۲ ولایتیده کوچلی قار و یامغیر یاغیشی و سوو تاشقینلر یوز بیریشیدن آگاهلنتیرگن ایدی.
