ایچکی ایشلر وزیرلیگی نینگ اعلان قیلیشیچه، غزنی ولایتی نینگ گیلان تومنیده قرانکریم ختمی مراسمیده یوز بیرگن پارتلشده ۱۵ کیشی هلاک و باشقه ۲۰ کیشی یره‌لنگن.
ایچکی ایشلر وزیرلیگی سوزلاوچیسی طارق آرین نینگ ایتیشیچه، بوگون “جمعه” ساعت ۲ ده بیر ریکشا ده جایلشتیریلگن پارتلش ماده غزنی ولایتی نینگ گیلان تومنی‌نی «آغوجان» منطقه‌سیده بیر اویده پارتلگن.
ایچکی ایشلر وزیرلیگی نینگ سوزلاوچیسی‌گه کوره، مذکور اویده ختم مراسمی بار ایکن و نتیجه‌ده ۱۵ کیشی هلاک و باشقه ۲۰ کیشی یره‌لنگن.
عین‌حالده، غزنی حاکمی سوزلاوچیسی وحیدالله جمعه‌زاده نینگ سلام‌وطندارگه ایتیشیچه، بو پارتلش عاقبتیده، ۱۱ کیشی هلاک و باشقه ۲۰ کیشی یره‌لنگن.
اونینگ ایتیشیچه، قربان بولگن‌لردن کوپراغی باله‌لر دیر.
حاضرگه‌قدر هیچ‌بیر کیشی یا-ده گروه بو واقعه مسوولیتی‌نی بوینیگه آلمه‌گن.
