سعودی عربستان، افغانستان ده دیپلوماتیک نماینده‌لیکلرینی یاپیب و کابل ده ایلچیخانه‌سی فعالیتینی توخته‌تگن.
اسلام امیرلیگی تشقی ایشلر وزیرلیگی، سعودی عربستان نینگ اوشبو قراری گه دایر حاضرگچه معلومات بیرمه‌ی و سلام‌وطندار نینگ سوال‌لری گه جواب قه‌یترمه‌گن.
عین‌حالده، ایش بیلرمان‌لردن قطاری نینگ ایشانچی گه کوره، سعودی عربستان اسلام امیرلیگی اوستیگه باسیم کیلتیریش مقصدیده کابل ده ایلچیخانه‌سینی یاپگن.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان و افغانستان سابق دیپلوماتی عزیز معارج نینگ ایتیشیچه: «قیز اوقووچیلر نینگ تعلیمی و عیاللر ایشی توخته‌تیلیشی گه دایر اسلام امیرلیگی نینگ سونگی قراری اوچون، سعودی عربستان اسلامی اینگ کوچلی مملکت اوله‌راق، اسلام نقطه‌ی نظر دن اوشبو بویوک مسئولیت نی تن آلیشنی ایستمه‌یدی.»
کابل ده سعودی عربستان ایلچیخانه‌سینی یاپیشیدن آلدین، قیز اوقووچیلر نینگ تعلیمی و عیاللر ایشی توخته‌تیلیشی جهانی کینگ عکس‌العمل‌لر گه سبب بولگندی، اولر ارا امریکا اسلام امیرلیگی اوستیگه باسیم کوچه‌یتیریلیشیدن آگاه‌لنتیرگن ایدی.
خلق‌ارا مناسبت‌لر ایش بیلرمان‌لریدن بیرقطاری نینگ ایشانچی گه کوره، امریکا متحدلری اسلام امیرلیگی بیلن تعامل قیلیش گه تیار بولمه‌یدی و سعودی عربستان، شو مناسبت افغانستان بیلن دیپلوماتیک مناسبت‌لرینی توخته‌تیشگه قرار قیلگن.
خلق‌ارا مناسبت‌لر ایش بیلرمانی اکرم عارفی نینگ ایتیشیچه: «عربستان نینگ اقدامی بوتونلی سیاسی دیر، عربستان نینگ ایکی سیماسی بار بیری مذهبی دیر، بو اقدامی دین گه باغلیق بولیشی ممکن، باشقه تاماندن امریکا غرب مملکت‌لری بیلن یقین، مذکور مملکت‌لر بیلن یقین‌لیگی باعث اوشبو قرارنی آلگن‌لیگی ممکن.»
بوندن آلدین اسلام امیرلیگی، جمهوریت توزومی دن کیین افغانستان ده ایلچیخانه‌لرینی یاپگن مملکت‌لردن، نیچه مراتبه دیپلوماتیک و قنسولی فعالیت‌لرینی باشلش‌لرینی طلب قیلگن.
بیزلرنینگ توییترده هم تعقیب قیلینگ!
خلق‌ارا مناسبت‌لر ایش بیلرمانی نورالرحمان ثابت نینگ ایتیشیچه، ایلچیخانه‌لر خوفسیزلیگی اوچون اسلام امیرلیگی نینگ بیرگن وعده‌لری، خلق‌ارا دیپلوماسی معیارلر گه قره‌گنده ییترلی ایمس.
اونینگ کوپه‌یتیریشیچه: «اروپالیک‌لر خوفسیزلیک تهدید باعث حتا تورکیه ده قونسولگرلیکلرینی یاپدیلر، امنیت اوچون دنیا معیارلری یوقاری دیر، امنیت تأمین ایتیلگن دییش بیلن بولمه‌یدی، اسلام امیرلیگی اوشبو معیارلرنی برآورده قیلمه‌گونچه، دنیا بو سوزلر گه قناعت قیلمه‌یدی.»
ایتیش کیره‌ک که، سعودی عربستان افغانستان ده ۹۰_سنه ده اسلام امیرلیگی حاکمیت نی تن آلگن مملکت اوله‌راق، جمهوریت توزومی قولشیدن کیین افغانستان بیلن دیپلوماتیک رابطه‌لرینی سقله‌گن محدود مملکت‌لردن دیر.