میدان‌وردک ولایت کینگشی، طالبان تامانیدن اسیر آلینگن ۳۹ تینچ اهالی آزاد ایتیلگنیدن خبر بیرگن. میدان وردک ولایتی کینگش اعضاسی احمد جعفری نینگ ایتیشیچه، اوتگن هفته طالبان تامانیدن اسیر آلینگن ۳۹ تینچ اهالی قوم بویوکلر دخالتی آرقه‌لی، محبوس بولگن ۶ طالب‌گه قرشی قوییب یوباریلگن.
جناب جعفری گه کوره، اوشبو ۶ طالب قومندان علی پور نظارتیده ایکن.
جناب جعفری نینگ کوپه‌یتیریشیچه، طالبان تامانیدن اسیر آلینگن ۳۹ تینچ‌اهالی میدان‌وردک ولایتی نینگ بهسود تومنینی حصه اول و حصه دوم منطقه‌سی یشاوچی‌لریدن ایکن.
عین‌حالده، میدان‌وردک محلی مسؤللری نینگ ایتیش‌لریچه، طالبان تامانیدن اسیر آلینگن کیشی‌لر قوییب یوباریلگن.
میدان‌وردک حاکمی سوزلاوچیسی محب‌الله شریف‌زی نینگ ایتیشیچه، طالبان تامانیدن اسیر آلینگن کیشی‌لردن ۲۸ ته‌سی قوییب یوباریلگن ایدی، قالگن ۱۱ ته‌سی اوتگن کیچه آزاد ایتیلگن.
جناب شریف‌زی گه کوره، اوشبو تینچ اهالی میدان‌وردک ولایتی نینگ جلریز و بهسود تومن‌لرینی قوم بویوک‌لری نینگ دخالتی بیلن طالبان گروهی تامانیدن قوییب یوباریلگن.
مذکور تینچ اهالی اوتگن “چهارشنبه” بامیان تامان باره‌دیگن بیرچاغده، طالبان تامانیدن اوغیرلنگن ایدی.
بیراق طالبان گروهی بوتوغریده فکر بیلدیرمه‌گن.