خلقارا باشپنه ایزلاوچیلر و آوارهلر کونی بیلن بیرگه، اروپا اتفاقینینگ ایتیشیچه، افغانستان ایچیده و تشقیده اینیقسه ایران، پاکستان و مرکزی آسیا دهگی افغانستانلیک آوارهلر و قاچقینلرنی تعلیم، ساغلیق و یشش شرایطلرینی یخشیلش ساحهلریده قوللب-قوتلهیدی.
اروپا اتفاقی، بوگون (۳۰-جوزا، جمعه)، اکس صحیفهسیده یازیشیچه، عیاللر، زیان کورهدیگن گروهلر و میزبان مملکتلرنی قوللب-قوتلشگه اعتبار قرهتیش بیلن، افغانستان دهگی و تشقیدهگی آوارهلرگه ۴۷ میلیون یورو یاردم بیرهدی.
بیزلرنینگ فیسبوک صحیفهمیزگه باش اورینگ!
مذکور نهادنینگ یازیشیچه، قاچقینلر ایشلری بوییچه بیرلشگن ملتلر تشکیلاتینینگ عالی کمیساری همکارلیگیده، منطقه و افغانستاننینگ تورلی ولایتلریدهگی افغانستانلیک باشپنه ایزلاوچیلر و آوارهلر گه برقرار حل یوللرنی یرهتیش مقصد ایشلهیدی.
افغانستان مملکت ایچیده و تشقیده قریب اون میلیون قاچقین و آواره گه ایگه بولیش بیلن، دنیا ده اینگ کوپ آواره گه ایگه بولگن مملکتلردن بیری حسابلنهدی.
بیزلرنینگ «ایکس» ترماغی ده هم تعقیب قیلینگ!
میلادی ۲۰۰۰ ییلیده، ۲۰-جون بیرلشگن ملتلر تشکیلاتینینگ عمومی مجمعسی آرقهلی، دنیا دهگی باشپنه ایزلاوچیلر وضعیتینی حسلش مقصد، خلقارا باشپنه ایزلاوچیلر کونی صفتیده ناملنگن.
