غزنی‌نینگ ایسکی شهری، یوقاری دیوارلر بیلن قرانغوراق دریچه‌لی اویلرگه ایگه بولیب، انسان ذهنی‌نی بوگون دن یوز ییل آلدینگی حیات گه آلیب کیته‌دی.
تاریخ‌چیلر‌نینگ سوزلری‌گه کوره، بو منطقه ۲۵۰۰ ییل‌لیک تاریخ گه ایگه دیر و طبیعی واقعه‌لردن امان قالمه‌گنی بیلن، بیراق ینه هم قدیمی بیر محل سیما‌سی‌نی سقله آلگن و بو منطقه یشاوچیلری غزنی‌نینگ باشقه بولیم‌لری‌گه نسبت صمیمی و مهمان‌دوست دیر.
غزنی ده‌گی مدنیت‌چیلردن بیری و بو منطقهنینگ دروازه‌ی میری بولیمی یشاوچیلری‌دن بولمیش آقامحمد خوشه‌زاده، سلام‌وطندار گه بو قدیمی شهر‌نینگ اوتگن و حاضرگی شیرین حکایه‌لری‌نی بیان قیله‌دی. اونینگ ایتیشیچه، بو منطقه اوچ ایشیک، ۱۷ مسجد و باشقه نیچه تاریخی بولیم‌گه ایگه دیر. «غزنی‌نینگ ایسکی شهری‌ده بیر مکتب و ۱۷ مسجد بار. شونینگدیک بو قدیمی شهر ایچیده بیر خانقاه بار. بو شهرده اوچ ته ایشیک بار که بیری میری دروازه‌سی یا-ده کابل ایشیگی، کنک دروازه‌سی و بازار دروازه‌سی که اوتمیش‌ده تاریخ‌لرده گردیز ایشیگی و شلگر ایشیگی دییلگن.»
بیزلرنینگ «ایکس» ترماغی ده هم تعقیب قیلینگ!
بو منطقه‌‌نی غزنی شهری‌نینگ باشقه بولیم‌لری‌دن اَیری توتگن نرسه، یشاوچیلری‌نینگ قدیمی مدنیت و عادی شکلده حیات کیچیریشلری دیر. خوشه‌زاده بو شهر‌نینگ قدیمی فرهنگ‌لری و قدیمی عنعنه‌لری توغریسیده صحبت قیلیب و کوپه‌یتیریشیچه، بو منطقه یشاوچیلری حاضر هم بو شهر‌نینگ قدیمی فرهنگی‌نی سقلش اوچون سعی‌وحرکت قیله‌دیلر.
او، غزنی‌نینگ ایسکی شهر منطقه‌سیده مناسبتی کون‌لرده یشاوچیلر آرقه‌لی سومه‌لیک نذری، دیکچه نذری و شیرین شوله بیلن شیربرنج پیشیریلیشی‌نی قصه قیله‌دی. اونگه کوره: «اینیقسه ایسکی شهرده دیکچه نذری، سومه‌لیک نذری، امام‌لر نذری و شونینگدیک شیرین شوله و شیربرنج پیشیره‌دیلر. قوشنی‌لری و منطقه‌لرده‌گی یشاوچیلرنی چقیره‌دیلر و بیرگه نذرنی تیار قیله‌دیلر و عیاللر آره‌سیده تقسیم قیلیب و ییه‌دیلر که بو رقم ایشلر باشقه منطقه‌لرده آزراق کوز گه کوریله‌دی.»
غزنی یشاوچیلری و سیاحتچلر توجه‌سینی اوزی‌گه قره‌تگن اوشبو قدیمی منطقهدهگی نرسه، بو شهر اهالی‌سی آره‌سیده‌گی صمیمیت و قوشنی‌چیلیک دیر که بو صمیمیت، صداقت و مهربان‌لیک جهتی‌دن، غزنی اهالی‌سی آره‌سیده مشهور دیر.
غزنی‌نینگ ایسکی شهری‌ده‌گی یشاوچیلری‌دن قطاری بو منطقهدهگی صمیمیت‌نی بیان قیلیب و سرپرست حکومت‌دن بو منطقه گه توجه قیلینیشی‌نی ایسته‌یدیلر. بو منطقهدهگی یشاوچیلردن خالد‌نینگ ایتیشیچه: «بو ییرده قوشنی‌لر آره‌سیده جوده‌یم صمیمیت بار. بیزلر قوشنی‌لر بیلن یخشی یانده‌شه‌میز. بو منطقهده شکر هیچ قنده‌ی جنجل یوق. پشتون، هزاره و تاجیک قوم‌لردن بو ییرده حیات کیچیره‌دی. قریب ۲۵ ییل‌دن بیری بو ییرده حیات کیچیره‌میز.»
شونینگدیک ایسکی شهر‌ده‌‌گی یشاوچیلردن باشقه بیری عزیز‌الله‌نینگ ایتیشیچه: «کوره‌سیزلر که اوی‌لردن قطاری خراب بولگن و خراب بولماقده. بو ییرده حیات کیچیره‌دیگن کیشی‌لر‌نینگ اقتصادی وضعیتی اونچه‌لیک یخشی ایمس. بو منطقهده حیات کیچیره‌دیگنلرگه ایسکی شهری‌دن اوزاق‌ده بیر نمره ییر بیریلسه، چونکه بو ییرده‌گی اوی‌لر قدیمی دیر.»
ایسکی شهر منطقه‌سی‌نینگ قدیمی بولگنی و اونینگ نقشه‌سی، مذکور ولایت‌ده سیاحتچیلر اوچون بو شهر‌نی کوریش‌گه سزاوار جای‌گه اوزگرتیرگن.
بیزلرنینگ فیسبوک صحیفه‌میزگه باش اورینگ!
غزنی‌نینگ معلومات و مدنیت ریاستی مسئوللری، بو منطقهدهگی یشش اویلرنینگ قدیمی نقشه‌سی سقلنیشی و یشاوچیلری‌گه زمانه‌وی شکلده اوی-جای قوریلیشی‌گه رخصت بیریلمس‌لیگی‌گه تاکید قیلگنلر.
غزنی‌نینگ معلومات و مدنیت ریاستی باشلیغی حمید‌الله نثار‌نینگ ایتیشیچه، بو منطقهنینگ تاریخی سیما‌سی سقلنیشی اوچون بو اداره سعی‌وحرکت قیله‌دی. «غزنی معلومات و مدنیت ریاستی، ایسکی شهر نقشه‌سی سقلنیشی اوچون سعی‌وحرکت قیله‌دی و اوز باشیمچه‌لیک شکلده اویلرگه تغییر کیلتیریش اوچون هیچ کیم گه رخصت بیرمه‌یدی. بیران مرته اویلرنینگ ییقیلیش خوفی چیققنی صورت‌ده، باستان‌شناسلیک قانونی اساسیده و قدیمی معمارلیک طرزی رعایت قیلینیشی بیلن قیته قوریلیش‌گه رخصت بیریله‌دی. بو منطقهدهگی یشاوچلر هم ایسکی شهر و قدیمی جای‌لر سقلنیشی اوچون اولر بیلن همکارلیک بولینیشی‌نی ایسته‌یدیلر.»
غزنی‌نینگ ایسکی شهری ایچیده‌گی قدیمی معمارلیک طرزی بیلن چیرایلی اوی‌لر و اونینگ اطرافیده نیچه تاریخی برجلر، بو تاریخی منطقه‌گه مخصوص بیر گوزه‌لیک‌نی یره‌تگن. بو منطقهده حاضر ایسه قریب اوچ یوز عایله حیات کیچیرماقده.
