بیرلشگن ملتلر تشکیلاتی باش کاتبی آنتونیو گوترشنینگ ایتیشیچه، یقین شرقدهگی توقنشوولر کوپراق اوشبو اوروش باشلنگنیگه هیچ بیر اورنی بولمهگن کیشیلرگه زیان ییتیشتیرهدی.
گوترشنینگ بوگون (۶-حمل/ ۲۶-مارچ، پنجشنبه)، اکس صحیفهسیده یازیشیچه، یقین شرقدهگی جاری توقنشوولردن اینگ کوپ زیاننی قشاق و جبرلنهدیگن کیشیلر کورهدی.
اونینگ اورغولشیچه، اوروش ییچیم یول ایمس و بو «فاجعه» دن چیقیش یولینی ایزلش کیرهک. بیرلشگن ملتلر تشکیلاتی باش کاتبیگه کوره، دیپلماسی، خلقارا قانونلرگه حرمت قایل بولیش و تینچلیک اوچون سعیوحرکت، بو وضعیتدن چیقیش یالغیز یول دیر.
یقینشرقدهگی توقنشوولر، ایران گه قوشمه شکلده امریکا و اسرائیلنینگ اویوشتیرگن هجوم قیلگنیدن کیین کوچهیگن که مذکور هجوم نتیجهسیده، ایران رهبری سیدعلی خامنهای و بو مملکت ییریک رسمیلریدن قطاری اولگن.
شونینگدیک تهران هم امریکا پایگاهلری میزبانی بولگن خلیج فارس مملکتلریدن قطاری همده اسرائیل توپراغیگه قرشی قصاص آلیش هجوملرینی عملگه آشیرگن.
شوندهی بیرحالده، ایران دن حمایت قیلیشده حزبالله لبنان هم اسرائیل گه قرشی هجوملرینی باشلهگن.
کیسکینلیکلر کمهیشی اوچون خلقارا ایستهکلر بولگنی بیرحالده، ۲۸-فبروریدن حاضرگچه توقنشوولرنینگ دوامی بار.
