صناعت و سوداگرلیک وزیرلیگی نینگ ایتیشیچه، ایرته کابل ده افغانستان، تورکمنستان و قزاقستان آره‌سیده ییغین اوتکزیلیشی ممکن.
اوشبو وزیرلیک سوزلاوچیسی آخوندزاده عبدالسلام جواد نینگ سلام‌وطندار گه ایتیشیچه، مذکور ییغین منطقه‌وی قوشیلیش و افغانستان، تورکمنستان و قزاقستان آره‌سیده سوداگرلیک و ترانزیت رواجلنیشی مقصد یولگه قوییله‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «افغانستان، ترکمنستان و قزاقستان آره‌سیده اوچ تامانلمه ییغین منطقه‌وی قوشیلیش و سوداگرلیک و ترانزیت رواجلنیشی مقصد، افغانستان، تورکمنستان و قزاقستان آره‌سیده اوتکزیله‌دی.»
باشقه بیرتاماندن، اقتصادی مسئله‌لر بیلرمانلریدن قطاری افغانستان، تورکمنستان و قزاقستان آره‌سیده اوچ تامانلمه ییغین اوتکزیلیشی نی اوشبو مملکت‌لر آره‌سیده اقتصادی فعالیت‌لر کینگه‌یشی و یخشی‌لنیشی اوچون فایده‌لی دیب بیله‌دیلر.
اقتصادی مسئله‌لر بیلرمانی سیداحمد مسعود نینگ ایتیشیچه، سرپرست حکومت بو ییغین‌دن اقتصادی فایده‌لنیشی کیره‌ک. «بو افغانستان یشاوچیلری، افغانستان مارکیتی و حاکمیتی اوچون بویوک بیر فرصت دیر که اوندن فایده‌لنه آلسه. بو فرصتلر بیلن ینگی فرصتلر ایجاد بولیب و شو رقم منطقه‌وی یقینلشوو ایجاد بولسین.»
شونینگدیک اقتصادی مسئله‌لر بیلرمانلریدن باشقه بیری شاکر یعقوبی نینگ ایتیشیچه، افغانستان، تورکمنستان و قزاقستان آره‌سیده اوچ تامانلمه ییغین‌لر یولگه قوییلیشی سوداگرلیک رواجلنیشی و اورته آسیا بیلن افغانستان آره‌سیده سوداگرلیک حجمی کوپه‌یشی خصوصیده فایده‌لی دیر.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «افغانستان، تورکمنستان و قزاقستان حضوریده بولگن اوچ تامانلمه ییغین افغانستان و اورته آسیا آره‌سیده سوداگرلیک علاقه‌لر کوچه‌یشی مقصد اونملی حصه قوشیشی کیره‌ک، بو ییغین‌ده افغانستان منفعت‌لری تیلگه آلینسین و سوداگرلیک مساله‌لر خصوصیده بولگن کیلیشوولرگه جدی توجه قره‌تیلسین همده افغانستان بو ییغین‌لردن کوپلب منفعت کوریش اوچون مسلکی قره‌سین.»
قزاقستان باش وزیری اورین‌باسری سریک ژومانگاری ییتکچیلیگی‌ده اوشبو مملکت هیئتی بوگون اسلام امیرلیگی رسمی‌لری بیلن اوچره‌شوو مقصد کابل کیلگن. شونینگدی اوتگن کون هم تورکمنستان سوداگرلیک هیئتی افغانستان سرپرست حکومتی رسمی‌لری بیلن اوچره‌شووی نینگ دوامی مقصد کابل گه کیلگن.
