ایچکی ایشلر وزیرلیگی پاسپورت عمومی ریاستی بیر بیانیه ترقه‌تیب، آنلاین روشده پاسپورت طلب‌گارلری نینگ سانی کوپ‌لیگی اوچون، پاسپورت آلووچیلر نینگ حضوری شکلده ثبت‌نامه قیلیش جریانی کابل ده ایرته (چهارشنبه، ۲۰-جدی)، باشلنیشینی معلوم قیلگن.
پاسپورت عمومی ریاستی سوزلاوچیسی نورالله پتمن، پاسپورت آلووچیلر نینگ حضوری شکلده ثبت‌نام قیلیش جریانی باشلنیشی خصوصیده ایتیشیچه: «یشاوچیلر گه قولی‌لیک یره‌تیش و نوبت‌لری گه مراجعت قیلیش اوچون آفلاین شکلده فورم‌لر نینگ تولدیریش جریانی باشلنه‌دی، اولر نینگ درخواست‌لرینی توپلش دن کیین اولر گه توکن بیره‌میز و توکن ده ایسه مراجعت قیلیش کونی و تاریخی یازیله‌دی و تعرفه‌لرینی آله‌میز، پوللرینی تولش و حجت‌لری قانونی‌لشتیریلیشی دن کیین پاسپورت ریاستی گه مراجعت قیله‌دیلر.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن بیرقطاری، پاسپورت ریاستی نینگ اوشبو قرارینی خوش قرشی‌لب ایتیشلریچه، یشاوچیلر آنلاین روشده ثبت‌نام قیلیش اوچون ایریم قیینچیلیک‌لر بیلن روپه‌ره ایدیلر و حتا پاسپورت آلیش اوچون ییللر کوتر ایدیلر.
کابل یشاوچیلری دن محمدقاسم، آلتی آی آلدین پاسپورت آلیش اوچون آنلاین درخواست بیرگن ایتیشیچه: «آلتی آی آلدین پاسپورت آلیش اوچون آنلاین ثبت‌نام قیلگندیم و آلتی آی اوتیشی بیلن حاضرگچه تاریخی یوللنمه‌گن و آفلاین جریان باشلنیشی بیلن یشاوچیلر نینگ قیینچیلیگی حل بولیش گه امید قیله‌میز.»
بیزلرنینگ «ایکس» ترماغی ده هم تعقیب قیلینگ!
کابل یشاوچیلری دن باشقه بیری رحیم عزیزی گه کوره: «پاسپورت ریاستی آفلاین جریان باشلنیش گه قرار قیلگنینی خوش قرشی له‌یمیز چونکه بو جریان سابق هم آفلاین ایدی، یشاوچیلر قولی‌لیک بیلن پاسپورت آلر ایدیلر، پروسه آنلاین بولیشدن کیین قیینچیلیک آز بولیش اورنیده عسکینچه کوپه‌لدی مین هم شو مشکل بیلن دوچ من و نیچه آی آلدین ثبت‌نام قیلگندیم، لیکن حاضرگچه پاسپورت آلگن یوق من.»
بوندن آلدین یالغیز طلبه‌لر، ناگران‌لر و کسللر پاسپورت آلیش اوچون حضوری شکلده ثبت‌نام قیله آلر ایدیلر.